Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


Herri Urrats

 

 
Aurten lehen aldikotz, 3. eta 4. mailako ikasle talde batzuk Elhuyar zientzia azoka proiektuan parte hartzea erabaki dute.
Nahieran izan da izen ematea eta gure bi nahiera egunetan aritu dira, haien hautuzko zientzia arloko tematika baten inguruko lanketa eramaten.
Problematika baten inguruan, hipotesiak mahain gainean eman eta horren inguruko ausnarketa, esposaketa, esperientziak erakusgai izan dira pasa den martxoaren 26-ean, tutoregotza arratsaldean. Bertaratu diren gurasoek ikusi ahal izan dituzte, eta ikasleek haien azalpen eta aurkezpena egin; bertara hurbildu dira ere, Elhuyar zientzia fundazioko bi aditu eta haiei ere talde bakotxak eramandako lanaren gora beherak azaldu zizkieten.
Ikasleak kontent ziren, eta ondoko hitzordua zientziekin ekainan izanen da Bilbon antolatzen den zientzia azokan, harat joanen baitra ikasle horiek, Xalbador kolegioko beste ikasle batzuekin ere !

Martxoaren 21ean, ostegunez, goizeko nahiera goiza eta piknika ondotik, ikasleak mozorrotu dira arratsalde ekitaldia aitzin, gaia "kirolariak" errespetatuz.

Udaberri eguna izanez, eguzki izpen artean, ikasleek ospatu dute Udaberri besta mozorrotua !

Kanpoko eremua besta herrikoiaz bilakatu delarik, ikasle guztiak ezker paretara deituak izan dira konsigna guztien entzuteko.

Futbol eremuan, babifut erraldoi bat instalatua izan zaie, seinakako ekipek haien artean lehiatzeko arratsaldean zehar.

Kolegioko atekatik sartze nagusiraino, espartin botatze txapelketa bat antolatua zen.... Ikasleak banan banan eta txandaka saiatu dira ahal bezain urrun botatzea eta arratsalde bukaeran Adur Urrutia (4.) izendatua izan da txapelduna ! 22,75 metro lortu ditu !

Belarrezko eremuan, zumo lehiaketaren tatamia ikusgai zen, ikasleak buruz buru aritzeko aukera ukan dute, Japoniako kirol horren jantzia ezarri eta.... 

Aterpe azpiko piknika mahainetan, egurrezko mahai joko handiak instalatuak izan zaizkie lagunekin trebatzeko.

Azkenik, kolegioko ezker paretan, Patxi Perez & Konpainia taldeak animatu dituzte dantzan saiatu nahi zituztenek, kantatuz ere bai noski !

Arratsalde eder honen bukatzeko, ikasleek ekarri dituzten bixkotxak, goxokiak eta edariak partekatzeko aukera ukan dute, mailaka pasatuz krakada erraldoi hortatik, errepikatzeko aukera ukan dute gainera ! Mila esker krakada egileei !

Dena bildu eta garbitu ondoren, autobusak hartu dituzte etxean pausatzeko eta biharramunean kurtsoetara forman itzultzeko !

Martxoaren 18tik landa, Korrika kari, animazio desberdinak antolatuak izan dira kolegioan, egunero eguerdiko jolas garaian.

Martxoaren 18an, astelehenez, arratsaldeko 13:10etatik 13:40ak arte, Euskaraz Biziko 3.eko ikasleek  kar'HARRO'kea bultzatu zuten !

Martxoaren 19an, 4.eko hiru ikasleek animatu zuten Korrika'irratia, Donibane-Ziburuko AEK-ko kideak elkarrizketatuz...

Astea bukatzeko, martxoaren 22an, ostiralez, arratsaldeko 13:10etatik 13:40ak arte, Euskaraz Biziko 4.eko ikasleek  kar'HARRO'kea antolatu zuten !

Kanpoko eremuan ezarriz, haiek hautatutako kantu batzuen hitzak eta musikak aurretik prestatuz, inguruan ziren ikasleei kantatzen saiatzea proposatu diete. Bigarren aldi honetan, hurbildu ziren ikasleak abesten saiatu dira ! Batzuk dantzan bukatuz ! Aldi honetan, urte desberdinetako Korrikako kantuak abesteko aukera zuten, besteak beste "Aide Korrika", "Zirkorrika"... eta nola ez aurtengoa "Harro Herri Korrika" ! Kantuen parte hartzaileak sariztatuak izan dira goxoki batzuekin !

Txalo bero bat 4.eko Lili, Eztitxu eta Maddi antolatzaileei eta parte hartu duten guztiei !

Martxoaren 21ean, goiz osoan ikasleek parte hartu dute nahiera goizan, hautatu zituzten tailerretan : 

- 6.ekoendako : get out of school escape game, ¡Atrapa al ladrón de museos !, paperezko maketak matematiketan, jolas sortzaile bihurtuz eta iraupen lasterketa proiektua

- 5.ekoendako : get out of school escape game, ¡Atrapa al ladrón de museos !, sormenezko orri markatzaileak egin !, Poesia : hitzak arnastu - arnastuz jolastu, musika eta gorputz mugimendua, izan zaitez antzerki-aktore !

- 4.endako : Elhuyar Zientzia Azoka, Itsas Lizeoko bisita, Harro Herri ! Frida Picadali, Arduino programazioa

- 3.endako : Elhuyar Zientzia Azoka, Brebetako berrikuspenekin orientazio lasterketa, Israel / Palestina : Ekialde hurbileko gatazka ulertu, Harro Herri ! Frida Picadali, Arduino programazioa

Ondotik, denak joan dira piknikatzera eta arratsaldeko bestarako mozorrotzera.

Bi urtero bezala, korrika kari, Kolegioko den estudioan, Korrika'irratia antolatzen da Donibane Ziburuko AEK-ko ikasleak eta haien irakaslea komitatuz.

Eguerdiko pausan, 13:10etatik 13:40ak arte, laugarreneko Eztitxu, Lili eta Maddik harrera eman diete, galderak pausatu eta jokoak animatu.

Lehen parte batean, AEK-ko kideen aurkezpena egin eta, bakoitzak bere lekukotasuna emateko aukera ukan du, hainbat galderei erantzunez : zer da AEK ? Zergatik euskara ikasi nahi zuten ? Zer da zailena eta errexena ? Noiz pratikatzen duten euskara ? Zer da korrika ? Parte hartu edo hartuko duten ? ... Eta haien saioa bukatzeko quizz ttipi bat proposatu diete Euskal Herriko pronbintzien izenak eta haien hiriburuak oroitarazteko helburuarekin.

Bigarren partean, kolegioko kanpoko eremuan emankizuna ongi entzun zutenendako, 10 galdera pausatuak izan zaizkie bertan ziren sariak irabazteko : kamisetak, txapak, giltzeroak, kazketak eta goxokiak !

Giro bikaina izan da bai irrati saio denboran baita ere kanpoko lagunen parte hartzearekin.

Galtzaile ala irabazlea izanez, parte hartzaile guztiak eskertuak izan dira, etorri diren komitak ere bai. Txalo Eztitxu, Lili eta Maddi irrati kazetariei !

Txalo ere bai etorri diren AEK-ko Christelle, Pili, Beñat eta Paulori ! Segi mintza pratikan eta euskaraz gozatzen !

Martxoaren 18tik landa, Korrika kari, animazio desberdinak antolatuak dira egunero eguerdiko jolas garaian.

Martxoaren 18an, astelehenez, arratsaldeko 13:10etatik 13:40ak arte, Euskaraz Biziko 3.eko ikasleek  karaoke bat, kar'HARRO'kea zehazki, bultzatu dute !

Kanpoko eremuan ezarriz, haiek hautatutako kantu batzuen hitzak eta musikak aurretik prestatuz, inguruan ziren ikasleei kantatzen saiatzea proposatu diete.

Lehen aldi honetako, seigarren eta bosgarreneko ikasle batzuk hurbildu dira eta irriñoarekin abesten saiatu dira ! Batzuk dantzan bukatuz ! Besteen artean, izanez "Lokaleko leihotik", "Aska", "Orain", edo "Maite zaitut" kantuen parte hartzaileak sariztatuak izan dira goxoki batzuekin !

Txalo bero bat Amaiur, Saioa, Nora, Kattina, Nahiane eta Haizea antolatzaileii eta parte hartu duten guztiei !

Martxoaren 17an, igandez, iragan da Urruñako ikastola eta gure kolegioaren aldeko kantaldia.

Lehen parte batean, Urruñako haurrek abestu eta, kolegioko gazteek segitu dute Korrontzi taldearen "Maltzeta" kantuarekin, trikititxa eta dantzarekin lagundurik. Lagundu gaituen Erika triki irakaslea eskertzen dugu bihotzetik !

Bigarren partean, Korrontzi musikari eta dantzariak Iturbidea polikiroldegia koloreztatu eta gozatu dute ! Emanaldi bikaina zinez !

Eskertzekoak dira, urtero laguntzen gaituzten enpresak eta artisauak, horiek gabe ez liteke horrelako ekitaldia antolatzen ahal ! Kondutan hartuz azken urte hauek ez direla hain errex izan haiendako gainera ! Beraz milesker ainitz zuei !

Bestalde, laugarreneko ikasleak hor ziren ere bai pastizak saltzeko haien urte bukaerako bidaiaren alde. Txalo parte hartzaileei !

Bukatzeko, jendea elkartu da aterpearen azpian taloak eta fritak jateko, baso bat eskuetan, Kuxkuxtu txarangaren musika erritmoan !

Txalo bero bat ikasleei, burasoei, antolatzaileei, lan egin dutenei, zponzorrei eta etorri diren guztiei ! Milesker Korrontzi taldeari !

Ez ahantz "Goierri, Urruña eta Ziburuko ikastolak bat eginik" !

Martxoaren 14an, ostegunean, arratsaldeko 6:30tan, Urruñako Leclerc dendako su gorrietan, kolegioko ikasleak, lankideak, familiak, famili ohiak elkartu dira euskararen lekuoka aitzinera eramateko, "Harro Herri" izanez, azterketak euskaraz kamisetak ezarriz, pankartak gora altxatuz, eta ozenki oihukatuz ! Zinez, mementu zoragarria izan da eta eskertzen ditugu hurbildu diren guztiak.

Txalo bero bat ere bai 6.eko Enekori, 5.eko Osoitzi, 4.eko Imanoli eta 3.eko Eheinari lekuko eramaileak izateagatik.

Gora AEK !

Gora Korrika !

Herriz herri harro herri izan gaitezen euskararen alde, eguneroko borroka elgarrekin eramanez !

Martxoaren 14an, ostegun goizez, laugarreneko ikasleak Donibane Lohizuneko Le Select zinegelara joan dira 2024ean argitaratua izan den Matteo Garonnen "Moi Capitaine" filma, Historia Geografian gaia lantzen baitute.

Sinospia :

"Seydou eta Moussa, 16 urteko senegaldar gazteek, Europan sartzea erabaki dute, haien jaioterria utziz. Baina, bizitza hobe baten ametsak eta itxaropenak oso azkar suntsitzen dira bidaia honen arriskuengatik. Odisea honetako arma bakarra haien gizatasuna izango da."

Martxoaren 14an, PLK-ko 3.ko ikasleek, Frantzia osoko 13 mila ikasleekin betan, neurozientziak eta sare sozialeko buruzko master klase bat segitu dute bisioz, Grégoire BORST ikertzaileak emana. 
Sinesmen faltsu anitz argira atera ditu. 
Bukatzeko ikasleei adierazi die burmuinak ongi funtzionatzeko zinez garrantzitsuena zela lo egitera joan aitzin ordu bat lehenago pantaila guztiak itzaltzera eta haien adinean 9 orenez lo egitera.