Piarres Larzabal Kolegioa

 

Nautika Eguna

EasyScol

Seaska

Ikastolen Elkartea


Herri Urrats

 

Ekainaren 21 eta 22an, kolegioko 5.eko ikasleak Nafarrora joan dira bi egunendako.

Goizeko 9etan kolegiotik abiatu eta, 11:30ak aldean urtean zehar landutako Leireko monasterioa bisitatu zuten. Ondoren, 14:30tan, Erreberriko bisita egin zuten : Karlos III.aren jauregiaren bisita. Joko pista baten bitartez, Erreberriko alde zaharreko karriketan eta Andra Mariko elizaren tinpanoa aztertu zuten.

Arratsaldeko 4:30ak aldera, Mendigorriako Errota akanpalekura joan dira. Han bertan, pizinan freskatzeko, errugbian - futbolean eta tenizan aritzeko parada izan zuten, lagunen artean.

Gauean, astronomia sezio bat proposatua izan zaie, teleskopia baten bitartez zeruaren azterketa egiteko.

Ondoko egunean, Jondoni Jakobeko bidea zen gai nagusia. Gosaldu eta gero, Eunate eliza bisitatu zuten eta Garesera hurbildu ziren, erromesen oroit-harritik sarrera oinez hirian eta Gares zeharkatuz zubia ospetsura iritsi arte.

Piknika egin eta, Nafarrotik Ziburua sartu ziren.

Ekainaren 19an, asteartez, 5. mailako ikasleekin Miramon Zientzia kutxagunerat joan ziren egun pasa Donostira. Bertan, goizean, bi tailerretan parte hartu zuten.

Lehenik, astronomia tailerrean eta ondotik, elektrizitate tailerrean parte hartu zuten.

Eguerditan, aroa lagun zutela, kanpoan piknikatu zuten denak elkarrekin.

Arratsaldean, bazen ere zer ikusi eta esperimentatu museo interaktiboan : ilusio optikoak, mekanika arloko moduloak, elektrizitate hobekiago ulertzeko esperimentuak eta orohar inguratzen gaituen mundu honen sekretuak azaltzen zituzten moduloak.

Ikasle talde bakotxak, galdezketa orri bat zuen betetzeko bisita mementuan.

Egun goxo eta interesgarria pasa zuten agian, zientziei begira ikasleek beste ikuspuntu bat ukaitea lortu zutela. Ondoko ikasturtean ere errepikatzekoa !

Ekainaren 19an, asteartez, laugarreneko ikasleak Oiartzunera joan ziren Euskal Herriko historia geologikoan bidaia bat egitera.

Alde batetik, luberri ikasgune geologikoan aztarna geologikoak aztertuz Lurraren bilakaera aztertu zuten.

Bestetik, Arditurriko meategian erromatarren garaitik orain dela 40 urte arte ustiatu izan den meategi batean asrtu ziren eta garaian garaiko mineralak eta ustiapen teknikak ikusi zituzten.

Ekainaren 19an, asteartez, Mendi Gaiak elkarteak animatutako Herri Kirol goizean parte hartu dute seigarren guztiek, bi taldeetan banaturik : kapeluaren jokoa, arto landatze eta bilketa, toka jokoa, kontranbandisten lasterketa... denen gustukoa bazen !

Lehengo lanak gaurko jokoak bilakaturik Vivi eta Eñauten azalpenei esker ! 

Desafioz betetako giro atsegina ! Azken izerdiak bota dituzte amaierako soka tira erraldoian eta denak irabazle izan dira ! Txalo deneri !

Ekainaren 14 eta 15ean, 6.eko ikasleak Ziburuko inguruak aztertzeko, lehenik Ziburuko oihantxora igo dira eta bertan ezaugarri fisiko batzuk neurtu dituzte baita landar hostoen bilaketa bat egin dute, geroxeago kostaldera abiatu dira.

Han marea behera baliatuz, arroketan bizi diren animalia ezberdinak bildu dituzte hala nola itsas luzokerra, anemona baita olagarroa ere !!

Ikasleak ohartu dira bizidunak inguruko ezaugarri fisikoei lotutako bizi baldintzak zituztela.

Goiza bukatzeko, denak elgarrekin hondartzan piknikatu dute.

Ekainaren 14an, ostegun eguerdiz, Etxepare lizeoan diren Eneka, Gexan eta Enaitz (3 ikasle ohiak), kolegiora komitatu ditugu haien proiektua aurkezteko kolegioko IDZtan : Himalayara joango dira 29 egunez, urriaren 11tik azaroaren 10era, bi gailur igoko dituzte hamar sherparekin batera.

Mendizale gazte horiek txikidanik izanki, elkar motibatu dira abentura horren bizitzeko eta gure ikasleei diaporama baten bitartez presentatzeko : ibilaldia, baldintza fisikoak, bidaiaren xehetasunak, hizkuntzaren trukaketa....

Herrialde guztietako 16 - 18 urtekoeuskal gazteen arteko elkar ezagutza izango da, Sherpa gazteekin beraien kultura eta hizkuntza gutxituaren berri ere izango dute, 100 hitz ikasiko dituztelarik eta alderantziz. Finean, kultur aniztasunez eta mendiaren esfortzuz betetako giza abentura izango da. Honen helburu nagusiena Euskal Herriko gazteen artean euskararen erabilpena sustatu eta zabaltzea da mendiaren unibertsoarekin tartekatuz.

Proiektua finantzatzeko eraman behar den lana azpimarratu dute, bakoitzak 6000€ behar duelarik. 

Jan ondotik, beraz, 50 ikasle batzu hurbildu dira mintzaldian parte hartzeko eta ondotik beste 20 ikasle gehiago haien proiektua finantzatzeko antolatu zen tixerta salmentara.

Haien bidaia filmatuko baitute, expedizioaren berriak itxaroten ditugu heldu den iaksturtean ! Bide on zuei Eneka, Gexan eta Enaitz !

Facebook : Oxigenoa eusakrari 6000 metroan ere

Twitter : @oxigenoa6000

Emaila : Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

MEZUA ZABALDU OTOI !!!

Gure kolegioan salgai ditugun tixertak !!!

Motibatu.......

 

 

 

 

 

Eta iristi zen eguna : Ekainaren 14an, Donibane Lohizuneko Ravel entzun arretoan bildu ziren haien lanen berri emateko.

Hantxe zeuden goiza alaitzeko eta bertsoak abesten laguntzeko Amets Arzallus eta Sustrai Colina bertsolariak zein Odei Barroso bertsolari eta rap-abeslari handia.

Hori da hori pagotxa !

Gainera, luxuzko animatzaile bat izan zuten : Oscar Estanga kantaria ! Denak dantzan jarri zintuen bere kitarra doinuak jarraituz. Eta haien unea iritsi zen, urduritasuna alde batera utzi, eta ongi ikasitako bertsoak kantatu zituzten guztien gozamenarako.

Goiza primeran pasa zuten konpainia ezin hobean euskaraz jolastuz, euskaraz kantatuz, euskaraz biziz...

Milesker Hego lapurdiko Herri elkargoa eta Bertsularien Lagunak elkarteari !

Ekainean, bosgarren eta hirugarreneko ikasleek ASSR (Attestation Scolaire de Sécurité Routière) pasatu dute, hau da, bakoitzak bere mailan bide segurtasunari buruzko azterketa egin dute.

Bosgarrenen kasuan, ASSR1 egin dute eta beharrezkoa izango da noizbait eskuterrarentzat baimena lortu nahi baldin badute.

Hirugarrenek aldiz, ASSR2 pasatu dute eta autoaren baimena ateratzeko eskatuko diete.

Aurten ere denek gainditu dute froga beraz, Zorionak guztiei !

Kolegioko 4.eko 50 ikasle eta 5 irakasle ekainaren 4tik 8ra Segovian egon ziren.

Astelehen goizean goiz gogotsu abiatu ondoren, bazkalostean Madrileko "Reina Sofia" erakustokian Pablo Picassoren eta bere garaikideen arte lanei buruzko azalpenak eman zizkiguten, ikasleek 3.ean aztertuko duten Guernica margolanarekin bukatzeko. Bertan, ikasleek Picassoren krokisak eta margolana bera aztertzeko parada ukan zuten. Ondoren, Segoviaruntz abiatu ziren, eta bertan haien aste baterako familiek ongi-etorria eman zieten afari goxo batekin.

Astearte goizean, Ávila hiriaren harresien inguruko bisita gidatu bat egin zuten. Ondoren, La Granjako "Real Fábrica de Cristales" kristal lantegia bisitatu zuten, eta bertan bi tailerren bidez, kristalak tindatzen eta grabatzen ikasi genuen. Arratsaldean, Segoviako alde zaharra ezagutzeko, bost ikasleko taldeka pista-joko batekin amaitu zuten eguna.

Asteazkenean, egun osoa Warner Madrid jolas-parkean igaro zuten egun osoa. Denak oso pozik baina nekaturik atera ziren !

Ostegunean, goizean Segoviako zentro historikoki bisita gidatu bat egin zuten, bertako hitsoria eta arktekturari buruz asko ikasiz. Bazkaltzeko, parke eder batean jarri ziren, eta elgarrekin hizketan eta jostetan aritu ziren haien eguneko bigarren bisitaren ordua iristen zen bitartean. Ondoren, Segoviako alkazarra bisitatu zuten. Eguna bukatzeko, haiek izan ziren gidak : taldeka, astean zehar ikasitakoari esker bideo batzuk ekoiztu zituzten, gehien maitatutako monumentuei buruz azalpenak emanez.

Ostiralean, etxera bueltan abiatu ziren goizean goiz, pozik baina oso nekatuak !