Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


Herri Urrats

 

Otsailaren 24an, ostiral arratsaldez, Baionako L'Atalante zineman Estitxu Robles kolegioak antolatu arratsalde berezian Seaskako kolegio batzuetan eta Lizeoan eginiko zinema proiektuak ikusi ahal izan genituen. 

Estitxu Robles kolegioak bikoiztutako "Kurrin" (Knor) filmaren aurkezpenaren  karietara,  beste 4 laburmetrai proiektatu ziren: lehenik, gure kolegioan (PLK) ikasturte honetan Irungo Oiasso museoak antolatzen duen  FICAB zinema arkeologikoaren jaialdian aurkeztu genuen "Oroit harri" laburmetraia ikusteko aukera izan genuen; ondotik, MEEKeko kolegioan egindako "Ainarak" laburmetraia; eta azkenik, Lizeoko sail profesionaleko ikasleek egindako bi laburmetrai: "Ezkeip Geim" eta "Azken emanaldia".
Hauen ondoren, Estitxukoen txanda iritsi zen. Proiektuan parte hartutako heldu eta ikasleek hitza hartu zuten bikoizketaren nondik-norakoak azaltzeko eta haien esperientzia partekatzeko.
Filma biziki politak eta kalitatezkoak  ikusi genituen. Zorionak deneri !
Otsailaren 22an, Donibane Lohizuneko Saint-Thomas lizeoan izandako gertakari tragikoak guztiz hunkitu du Piarres Larzabal kolegioko hezkuntza komunitate osoa.
Hezkuntza Ministeritzaren aldetik ikastegiei eskatua izan zaien isiltasun minutu sinboliko horretaz haratago, nahiago izan dugu ikasle guztiak lehen orduan hartu oinarrizko hainbat elementu aipatzeko, baina baita haien kezkak eta gogoetak entzuteko ere.
Drama horrengatik hautsiak izan diren bi familiei eskaini beharreko begirunea azpimarratu nahi izan dugu.
Azpimarratzekoa da gure ikasleek goiz honetan adierazi duten jarrera bikaina, bai talde handian hartuan izan direnean, baita geletan izan diren solasaldietan, jujamenduak bazterrean utziz ulermen gaitasuna eta enpatia erakutsi baitute lehen momentutik.
Bestalde, mezu bat igorria izan dela Saint-Thomasko lizeoko hezkuntza komunitateari gure doluminak partekatzeko.
Milesker zuei egiten diguzuen konfiantzarengatik.

Otsailaren 22ko goizean, Odon Noblia idazlearen eta 3.eko ikasleen arteko topaketa izan zen kolegioan. Euskarako kurtsoetan landutako liburua, "Ikastola nire saloinean", Argitxu Noblia idazlearen beraren eskutik aurkeztua izan da IDZtan eta ikasleek idazleari hainbat galdera pausatu dizkiote obraz, bere lanbideaz zein Argitxuri buruz ere besteak beste.

Fikzioz jantzitrik baina egiazko gertakariak azaltzen dituen narrazio honek, Argitxu Nobliaren bizia kontatzen du, lehen ikastola sortu zuen emaztearen ibilbidea. Odon Nobliak erakutsi nahi izan du zein handia izan den bere amak sortu duen mugimendua.

Ikastola Argitxuk hasi zuen arren, laster beste buraso ugari lotu ziren proiektu honi, helburu nagusia beren haurrei euskara irakastea izanik. Borroka batzuk eraman ondoren, Seaska handitu da eta ama ikastolak eta lehen mailako gelak emendatu dira. 

Odon Noblia pozten da kolegioak egindako gomitaz eta ikasleei liburu hori irakurtzeko aukera emateaz, gaur egungo Seaska nondik hasi zen jakin dezaten eta haientzat hain normala den egoera hori, euskaraz ikasi ahal izatea alegia, balora dezaten. 

Milesker Odon, Argitxu eta Vanessari !

Oporrak aitzin egindako enpresaren behaketa ondotik, hirugarreneko ikasleek haien txostena aurkeztu dute banan banan otsailaren 21ean, asteartez, azken bi orduetan, kolegioko bi irakasle / hezitzaile eta ber ikasgelan ziren maila desberdinetako ikasleen aitzinean.

Ikasle bakoitzak bere ikastaroa eta lanbide bat aurkezteko gai izan behar zuen, hainbat irizpide kondutan hartuz : gorputzaren adierazpen egokia, ahozko adierazpen egokia, adieratzitakoaren koeherentzia eta kohesioa, hizkuntza zehatzaren erabilpena, hizkuntza xuxenaren erabiltzea (gramatika, ahozkera...) etabar..

Hirugarreneko ikasleak 14 taldetan banatuak izan dira eta irakasle "epaile" bakoitzak bostpasei ikasle zituen.

Orokorki, ikasleek txosten sakonduak aurkeztu dituzte eta lanbide baten aurkezteko publiko eta epaile baten aitzinean gai izan dira.

Eskuratu dituzten hobetze aholkuekin batera, ikastaldiaren txostena aurkezten ahalko dute brebetarako ahozko gisa.

Oporrak aitzin, urtarrilaren 31tik otsailaren 3ra, kolegioko hirugarreneko ikasleak enpresako ikastaldian egon dira. Lanbide desberdinetan parte hartu dute, hala nola : haurzaindegian, irakaskuntzan, albaitaritzan, farmazian, laborantzan, mediatekan, auto garajean, Herriko Etxean,  pediatrian eta hainbeste....

Honen helburuak dira : 

- ikasleei lan mundua "zuzenean" ezagutaratzea

- enpresaren ezaugarri nagusiak ezagutzea, baita ere ibilmoldea aztertzea

- enpresako aktore desberdinak ezagutzea

- ahalaz, ikaslea bere geroko lanbidea hautatzen laguntzea

Ikastaro honen ondotik, ikasle bakoitzak txosten bat bete beharko du eta otsailaren 21ean iraganen den ahozko batean aurkeztu beharko. Bertan diren irakasleen oharrak eta ahokuak ukango ditu, sekulan maiatza bukaeran iraganen den brebetako ahozkoan aurkeztu nahi baud.

Esker beroenak gure ikasleen harrera egin duten enpresa guztiei !

Urtero bezala, garai honetan, hirugarreneko ikasleei antolatua izan zaie brebeta xuria bat kolegioan bertan.

Urtarrilaren 27an, ostiralez, goizean pasa dute 4 orduko frantsesa froga : testu ulermena, berridazketa, diktaketa eta idazlana, eta arratsaldean, Historioa - Geografia - Herritar heziketa froga bi orduz.

Asteburua ondotik, astelehenez, urtarrilaren 30ean, matematiken froga bi orduz eta ordu bateko zientzi froga. Arratsaldean, euskara B2 froga xuria ordu batez saiatu dira.

Azterketaren egiazko baldintzak bizi izan dituzte ikasleek, IEP gelakoak baita ere denbora herena dutenek.....

Biharramunetik ostiralera, hirugarreneko ikasle guztiak enpresa ikastaroan dira : oporretatik landa, enpresa ikastaroko ahozko bat aurkeztu beharko dute.

Joan den urtarrilaren 24an, astearte arratsaldez, Luhusoko Harri Xuri antzokian zuten hitzordua kolegioko bostgarrenek, Elirale konpainiak proposatzen duen "Fuga !" emanaldia deskubritzeko....

Gorputzen lotura erakusten duen pieza koreografikoa da Fuga! non jauzi sistemari berriz irudimena ideki nahi zaion. Nola gorputz batek beste gorputz bat aitzurtzen eta zulatzen duen sistema hau dekalatuz? Ritmoekin jolastuz nola gorputzen trinkotasunak erdigune nozio hori mugimenduan jar daitekeen? Hiru gorputz dependente horiek puntuazio-denbora erkideak konposatzen dituzte Artha, 2018ko Eliraleren sorkuntzan bilatzen zen «uhinaren» sentsazioa azpimarratuz. Sorkuntza honetarako, Cyril Geeroms eta Yutaka Takei dantzari garaikide ditu lankide Pantxika Telleriak eta dantzari horiek onartu dute koregrafoaren jestualaren berezitasunaren partikatzea. Bi dantzari horiek Elirale konpainiaren zutabeak izan dira 2001etik 2009ra. Arthatik-at! izenburuko ikerketa artistikoaren ibilbidearen bigarren pieza da Fuga!.

Euskal Herriko hirigune elkargoaren laguntza eta Elirale konpainiako artistak eskertzen ditugu !

Urtero bezala, urtarrilan zehar, inguruan ditugun lehen mailetako ikasle berrien bisitak antolatuak izan dira : Urruña, Donibane Lohizune, Ziburu, Hendaia, Senpere eta Azkaineko ikastoletako 5. urtekoak errezibitu ditugu. :

Urtarrilaren 13an : Ziburu eta Donibaneko lehen mailakoen bisitak

Urtarrilaren 17an : Urruñako lehen mailakoen bisita

Urtarrilaren 23an : Hendaiako lehen mailakoen bisita + Sarako lehen mailakoen bisita

Urtarrilaren 24a : Bidarteko lehen mailakoen bisita.

Laster Azkaine eta Senperekoak ukango ditugu....

Lehenik, kolegioa aurkezteko filma bat begiratu dute. Ondotik, Hezkuntza Aholkularia den Elena Dufaurekin batera, laborategiak, jantegia, kirol gela, eta bulego desberdinetatik pasatuz, kolegioko bisita egin dute.

Azkenik, eskainia izan zaien liburuxka ttipi bati esker, haien galderak eta kezkei erantzun die.

Urtarrilaren 24an, astearte gauez, burasoei ere proposatua izan zitzaien kolegioko bisita eta bilkuran parte hartzea.

Ikasturte hori ongi bukatzea eta motibaturik etortzea opatzen diegu !

"Euskaraz Bizi"-k antolatutako Euskal Rap ikastaroan, lau eta hirugarreneko 8 ikaslek parte hartu dute Odei Barrosok gidaturik. 
Ikastaroa urrian hasi zuten eta abenduan bukatu. Ostegun eguerditan, bazkalostean, igaro zen ikastaroa : lehen egunean, elkar ezagutu eta Rap-aren historian murgildu zituen Odeik, eta hortik aintzina elkarrekin egingo zuten kantuaren gaia hautatu ondotik koplak idazten hasi ziren. Kantuak "Gazteen kezkak" du izenburutzat eta kopla bakoitzean gai ezberdin bati buruz mintzatu dira; zuei gaiak asmatzea!! 
Urtarrilean Odeik kantua bere ahotsarekin grabatu eta haiekin partekatu zuen haiek etxean entsaiatu zezaten: letra, erritmoa, estiloa.... 
Azkenik, pasa den asteazken goizean, urtarrilak 18,  Hendaian kokatua den " Alkimia produkzioak" estudioan kantua grabatu zuten Odei Barrosorekin batera. 
Esperientzia ahaztezina izan da, eta sobera ongi pasatu dute! Laster jasoko dute abestia beharrezko nahasketak eta masterizazioa egin ondoren. Mila esker @odei_alkimia eta @alkimia_prod !!!

Urtarrilaren 22an, igande arratsaldez, hormaturik baina motibaturik, kolegioko ikasleak elkartu dira pilota plazan den aterpe azpian, besta komiteak antolatu duen fandango txapelketan parte hartzeko ! Hiru kategoriak antolatuak ziren : 12 urtepekoak, 12-17 urtekoen artekoak eta helduak.

Ikasleendako desafioa gaindituz gain, batzuk sariztatuak izan dira !

3. saria : Haize Tellechea Muruaga eta Amane Viquendi

2. saria : Maiena Oyharçabal eta Maddi Larrondo

1. saria : Elaia Biscay Echegaray eta Saioa Mondela

Zorionak gure ikasle guztiei eta kolegioko ikasle ohiei ere bai !

Milesker Begiraleak txarangari eta Ziburuko besta komiteari !