Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


Herri Urrats

 

Otsailaren 20an, azken eguna eta azken arratsaldea !!! Eta nola ?! Ihauteriak ospatu ditugu kolegioan !!!!!

Bazkaltzeko garaian, ikasleak mozorrotu dira nahi zuten bezala ! Gaia librea zen aurten !

Denetarik bazen : Pikatxuak, pijamez beztituak, super eroak, Harry Potter familia, erleak, muttikoak neskaz, errugbilariak, la casa de papel, zientifiko eroak, arbol bat, mari gorriak, M&M'S-ak, "chic" ikasleak, kirolariak.... etabar... eta radar bat hor genuen ere bai !!

Ikasleek prestatutako Zanpantzarinaren auzia entzun dugu ! Eta nola ! Zenbat gertakari leporatuak izan zaikio Zanpantzarinari !! Koronabirusa epidemia, Australia eta Amazonian iragan diren suteak, Kobe Bryanen elikopteroaren istripua, G7a, kolegioan gertatzen direnak ere bai : argindarraren moztea, alarma, pisontzien egoera, ebaluaketen emaitzak, irakasleek emandako hitzak...eta beste ainitz ere ! Ez du hitzik hartzeko eskubiderik izan ere ! Auzi egileak publikoarekin batera kondenatu dute ! Defendatzeko paradarik izan gabe, jo dute eta suntsitu ! 

Honen ondotik, besta giro batean, kanpoko eremua jolas parke bat bilakatu delarik, ikasleak taldeka ibili dira jokoz joko ! Babifuta erraldoia, zumo lehiaketa eta egurrezko joko handietan jolasteko parada baitzuten !

Arratsaldea goxoki bukatzeko, 6. eta 4.eko familiek prestatutako krakada denen artean partikatua izan da !

Eta txirrina jotzean, ikasle guziek haien otobusa hartu dute bakantzetako giroan !!!!

Milesker parte hartzaile guziei !!!!

Otsailaren 21ean, azken egunean, egun berezia zen goizez kolegioan : Gure hirugarren "nahiera eguna" !

Beste bi aldietan bezala, proposatutako tailer desberdinetan izena ema zuten gure ikasleek (hirugarreneko ikasleak ikastaldian izanez).

Talde ttipika goiza pasa dute edo parte hartuz 4 orduko tailerretan edo bi orduko bi tailerretan....

Bazen hautua tailerren artean : Sorgin dantza ta beste !, mundu mikroskopia irudikatu, esploratzailearen urratsei segi, flag football, nor da nor ?, saski baloia 3 x 3, joko pista Untxinen, Zeusen izenean ! Greziar Jainkoak,  zaborra musikarazi, carnival around the world, aurreiritziak desegiten, las mascaras y el carnaval, marraztu, irabazia da !

Ikasleek bikain ongi pasa dute momentu hori eta joan dira bazkaltzera !

Otsailaren 20an, bazkaltzeko pausan, Herri Urratseko kantuaren bideokliparendako ekipa teknikoa kolegiora hurbildu da !!!!

Haien artean, Etxe eta Diabolo Kiwi taldeko bi kide ! Uauuuuh ! Ikasleak pilpilean ziren kanpoko eremuan.....

Lehen denboraldian, kanpoko eremuan grabaketak iragan dira Seaska baten inguruan.... Ikasleek ikusi dute zenbat aldiz berriz grabatu behar den bi segunduko irudiak lortzeko, kamera non ezarri, argi teknikaria ere, ahotsak, posturak eta beste !

Ondotik gela batera joan dira, han bertan beste irudiak lortzeko, denek ber lemarekin buruan : "Gaki ge ! Gaki ge !"

Bi orduko momentu bereziaren ondotik, ikasleak berriz zentratu dira kurtsoetara joateko !

Zinez txalokatzen ditugu parte hartzaile guziak biziki baikorki aritu izan baitira eta alaiki !!!! Milesker ikasleei eta komita guziei !

Bideoklipa martxoaren 10ean ateratuko da normalki.... Bakantzen ondotik ! Ea...

Abenduan, Zaldi Urdina antzerkiaren ikustera joan ziren eta horren ondotik, PAC proiektua hasi zuten antzerkiaren inguruan tailerrak izanez Arantxa irigoyenekin (Axut kolektibokoa).

Orotara, 6 tailer ezberdin ukan dituzte, beti IDZtan, abendutik otsaila arte iraun du : 

- bi tailer testua sortzeko eta lantzeko

- hiru tailer taularatzea lantzeko

- tailer bat beste 4.ko ikasleen aurrean antzezteko

Besteak beste, tailerretan, ahotsa, gorputzaren mugimendua etab... landu dituzte.

Otsailaren 20an, ostegunez, ordu batez 4Bkoen aitzinean anzteztu dute eta beste ordu batez 4Dkoen aitzinean.

Otsailaren 17 eta 20an, astelehen eta ostegunez, Andrea Aranguren komitatua izan da gure kolegiora 5.eko ikasleekin "sare sozialei" buruzko mintzaldi bat animatzeko, ordu batez gelaka, lau aldiz.

Lehen parte batean, joko baten bidez, ikasleek telefonoa zutenez, i-phone-a, logeletan uzten duten, zenbat "ztory" igotzen dituzten, bikote bat dutenez, telefonoaren erabilpena burasoekin aipatzen dutenez, snpchaten erabilpena, youtben jarraitzen dutenek, ordutegi muga bat dutenez eta beste..... eskatua izan zaie.

Ondotik, bostpasei egoerak aztertu dituzte talde ttipika eta talde handian aipatu eta gogoetatu.

Solasa denboran, egoera bakoitzean biktimaren sentimenduak zerrendatu dituzte : baztertua senditzea, triste, haserrea, amorratua, desepzioa, mendekatzeko gogoa, lotsa, harridura, beldurra.... Bestalde, zer egin dezaken pentsatzen aritu izan dira : heldu batekin arazoak aipatu nahiz eta ez den errex, igotako argazkiak kentzea, bi pertsonen arteko solasa, bideo bat igotzen denean ezin dela neurtu zenbat aldiz partekatua izan den, norbaiten biluztearen grabatzea delitu bat dela....

Bukatzeko, zein diren egoera baten arriskuak entzun dituzte eta legediak nola zigortzen dituen :

- ez dakigu sekulan nor den pantailaren gibelean !

- zyber jazarpena, ziber indarkeria

- buruko minak, adikzio sortzea, droga bezala

- ez da beti egiazkoa erakusten

- orduak neurtzeko zailtasunak

- xehetasun pribatuak gehiegi ezarriak dira

- klik batekin gauza asko, gehiegi ?

"Arau hauste bat eta salatu daiteke !"

Mintzaldia interaktibo hoentan, ikasleen parte hartze baikorra azpimarratzekoa da ! Milesker Andera !

Konsultatzeko webgunea : www.e-enfance.org

"Denak gara arduradun, kontuz ! Egin aitzin !"

Otsailaren 14an, ostiralez, arratseko 7etan, 4.eko ikasleak Urruñako La Corderie zinemara joan dira, abenduan atertutako Ladj Lyr-en "Les Misérables" filma ikustera.

Zinemako ekipak egin digun harrera bikaina eskertzekoa da.

Frantses kurtsoetan, Victor Hugoren "Les Misérables" obra lantzen ari dira 4.eko ikasleak eta bi obren arteko loturak atzeman dituzte.

Filma gogorra baldin bada ere, ezezaguna den beste errealitate bat erakusten digu, biziki aberatsa izan dena.

Bukaerako eztabaidan, ikasleen oharrak biziki baikorrak izan dira eta seguraski holako beste ateraldia berriz antolatua izanen da.

Elkargoarekin landu Kultura bidean proiektuen baitan, 4D gela urtarrilean dantzatzen hasi da.

Senpereko Larreko gelan "Être et Phasmes" Libertivoire konpainiaren lana ikusi ondoren, Miriam Perez dantzariaren aginduetara sorkuntza prozesu batean sartuak dira, otsailaren 18a arte.

Eguneroko gorputzkeretatik gorputzkera adierazgarrietara, esperientzia berriak egiten ari dira ezohikora ausartuz eta irudimena garatuz.

Otsailaren 14 eta 17an, 3.eko ikasleei lehen brebeta xuria antolatua izan zaie.

Ostiralez, hiru geletan banaturik eta denbora herena zutenek beste gela batean, goiz osoa frantsesari lotua zen : testuaren galderak, ber idazketa, diktaketa eta idazlana.

Eguerdiko bazkaria eta pausaren ondotik, mat froga pasa dute bi orduz.

Asteburua izanik azken berrikuspenendako, astelehen goizean brebeta xuriaren bigarren partea pasa dute goizez : bi orduz historia, geografia eta herritar heziketa froga eta azken orduan, zientziak.

Arratsaldean, betiko kurtsoekin segitu dute. 

Bihartik landa, hirugarreneko ikasleek enpresako ikastaldia egingo dute ostirala arte.

Otsailaren 8an, larunbatez, kolegioko 4. eta 3.eko ikasleak Gourettera joan dira, Olagarroa kirol elkarteari esker !

Elurra urritzen ari bada ere, gozatzeko beste bazen !

Lau eta hirugarreneko 45 ikasle izan dira eskiatzera aurten.

Maila guzietako ikasleei idekirik, motibazio handiarekin abiatu dira goizeko 6:00etan kolegiotik !

Bazterrak hain xurituak ez baziren ere, umore onean lagun artean egun eder bat pasatzeko gogoz joanak zirenez, haien doia topatu dute bertan.

Ziztuan lerratzearen sentsasio goxoak eta zirrarak ekarri dituzte etxera, ondokoan elurraren xamurra gozatzen ahalko dutenen esperantzan !

Zorionak ikasle parte hartzaile guziei eta esker beroenak ere bai etorri diren laguntzaile guztiei !

Otsailaren 4an, asteartez, Gourmelon andereak, Hegobus garraio elkargoko arduradunak hitza hartu du ordu batez 6A eta 6Bkoei lehen txandan eta ondotik 6D eta 6Ekoei. Kolegioko IDZtan elkarturik, otobus prebentzioari buruzko helburuak oroitarazi ditu : informatu, alerta eman eta gogoetarazi.

Lehenik, Hegobusek 2900 ikasle inskribatuak elkartzen dituela, 120 zerbitzu eskolarrak kudeatuz, 36 ibilgailu egunero ezarriz : 27 autokarrak, 6 autobus eta 3 minibus. Eskolako garraio izen desberdinak zerrendatu ditu : Le Basque Bondissant, Hegobus, Réunir, ATCRB, Transdev, Citram Pyrénées.... Ondotik, autokarra eta autobusaren arteko desberdintasuna azaldu die, autobus batek 150 000€ eta 200 000€ arteko prezioa izanki.

Bigarren parte batean, otobusa etorri aitzin, otobusean direlarik eta kolegiora iristean nola portatu behar diren adierazi die (ikaslearen portaera, materialaren errespetua, uhalaren inportantzia eta bereziki 135€ko ixuna ez bada ezarria, ..) eta kartaren garrantzia eman die. Quizz-bilana batean parte hartu dute saioa borobiltzeko.

Gero, talde guztia kanpoko eremura joan da husketaren ariketa baten egiteko, aholkurik gabe lehenik eta aholkuekin ondotik. Oro har, ikasleek gainditu dute ariketa hori !

Bukatzeko, ikasle guztiak itzuli dira IDZra, azken aholkuak entzuteko, emaztea eskertzeko eta eskainia izan zaizkien esku argia eta euskarazko liburuxka eskuratzeko.

Milesker hegobus Euskal Hirigune garraio sareari azalpen guzti horiendako !

Agian, ikasle bakoitzak kondutan hartuko dituela eta bere burua babesten, otobusa errespetatzen eta gidaria agurtzen segituko duela !