Ekainaren 28an, asteartez, iragan da 6., 5. eta 4.eko azken eguna gure kolegioan.
Bazkaria ondotik, bulegoko Jabi lehendakaria eta Lierni idazkariarekin batera, Xumai Murua, Odei Barroso, Aimar Karrika, Kerman Diaz ikasle ohiak izan diren bertsolari famatuak hurbildu zaizkigu.
Eskainitako laupabost bertsoen bidez, Pantxika zuzendariari azken agurra eta eskerrak eman dizkiote. Ondotik Jabi eta Liernik eskaini diote lore xorta bat.
Arratsaldez, udako koloreetan, ikasleen joko arratsaldea antolatua zen 6. eta 5.endako : futbito, kadira musikala, pilota, ping pong, baloi preso eta azazkalen tindatze tailerra ere bai !!! Laugarrenak aldiz, IDZtan bildu dira Toledon egin duten bidaiari buruzko oroitzapenak partikatzeko.
Azken orduan, ikasleek ekarritako krakada goxoa denen artean partikatu dugu.
Txirrina jo bezain fite, ikasleek haien zakua, jantziak eta kutxako materiala guzia hartu eta, otobusera joan dira.
Ongi pausatu !!! Ez ahantz irakurketa lantzea.....
Bakantza on deneri !!! Heldu den iraila arte !!!
Laugarreneko ikasle boluntario talde batek bi egunez Pantxo Desbordes artistarekin lan egin du.
Pantxo Desbordes ilustratzailea da ofizioz.
Bere egonaldiaren denboran, egunero erabiltzen dituen teknikak ikasleekin partekatu ditu.
Ikasleek egun horietan egindako obrak (kolaketak, marrazkiak, kaligrafiak...) bilduma batean agertuko dituzte.
Sartzean, ikasleek paperezko bertsio bat eskuratuko dute.
Anartean, haien obra kolektiboa salatu gabe, argazkietan ikusten ahal dira.
Duela bi aste, ikasleak ari dira esku jokoetan, koropiloz koropilo, brasildar eskumuttur tailerran, aire hartze guziz.
Haien plazerrendako edo aita / ama / lagun batendako, maila guzietako 100 ikasle entsaiatu dira ikasten, osatzen eta gehienek lortu dute maite duten estiloko eskumutturra egiten !!
Gaurtik, eskumutturrek udako koloreak jantzi dituzte !
Txalo bero bat deneri !
Ekainaren 22an, asteazkenean, Olagarroak sortutako eskalada taldea azken aldikotz ikasturte honetan Sara Ttiki paretara joan da.
Kolegiotik 6., 5. eta 4.eko hamar ikasle eta Manex Erdozaintzi kolegioko 7 laugarren elkartu dira, eguzkitik ihesi lezeetako abaroan.
Giro goxoan iragan da arratsaldea.
Mila esker parte hartzaile guziei !
Urte guziz bezala, kolegioko laugarreneko ikasleek bidai kulturala egiteko parada ukan dute, ekainaren 13tik 17ra.
Aurten, Castilla La Mancha ezagutu dute Don Quijote eta Sancho Panzaren aztarnei jarraiki. Bidean, Euskal Herriko historiaren kapitulu bat oroitarazteko, Reina Sofia museoan Pablo Picassoren Gernika artelanaz gozatzeko aukera izan dute.
Hiru erlijio handien gurutzebide den Toledo goitik behera ezagutu dute, joko pista eta bisita gidatuen bitartez.
Astea umore eguzkitsuan iragan da.
Bertako familiek eta gidek ikasleen motibazioa, parte hartzea eta zintzotasuna eskertu dute.
Nahiz eta, ekainaren 20 eta 21ean, berrikuspenak egitera etortzen diren ikasle batzu, hirugarrenek lizeoko bidea hartzen ari dira eta azken eguna ekainaren 17an izan dute.
Egun hortan, bakoitzak brebeta lortzeko zenbat puntu gelditzen zaizkion jakin du, brebetako konbokazioa eskuratzean.
Azken orduan, krakada goxo baten inguruan, azken agurrak eta argazkiak egin dituzte.
Brebeta lor dezatela eta bide on deneri !
Ekainaren 13 eta 14an, kolegioko 5.eko ikasleak Nafarrora joan dira bi egunendako. Goizeko 9etan kolegiotik abiatuz, 11ak aldean Erriberriko bisita egin dute : Nahiz eta obretan zen, Santa Maria elizaren tinpanoa eta parbisaren azterketa egin dute eta joko pista bat hirian, mapa bati esker. Don Petri elizaren tinpanoaren azterktea egin dute, Dorrearen aurkikuntza, Ehundegien kalearen bisita eta Juduen kalearen bilaketa.
Arratsaldeko 3.30tan, Artaxona hurbiletik bisitatua dute, harresiaren itzulia eginez eta dorreak kondatuz, arratsaldeko 4.30ak aldean Errota Mendigorria akanpalekura iritsi aitzin. Han bertan, pizinan freskatzeko, errugbian, futbolean eta tenizan aritzeko parada izan dute lagunen artean. Gau bero baten ondotik, gosaldu eta gero, Eunate bisitatu dute eta Garesera hurbildu dira erromesen oroit-harritik sarrera oinez hirian eta Gareseko bi eliza eta zubiaren aurkezpena egiteko. Ongi bazkaldu eta, Nafarrotik Ziburura sartu dira.
Asier : "Oso ondo pasa dugu, bidaia oso ederra iduritu zait. Antolaketa aldetik bikaina zen, lagunekin egoteko parada handia eman digutelako. Beste egun gehiago apreziatuko genituen."
Iker : "Bisitak ez ziren sobera ongi entzuten baina interesgarriak ziren."
Amane : "Akanpalekua pixka bat zaharra zen eta enetako denbora libre pixka bat gehiegi. Aldiz, Erriberriko gaztelua oso ongi zen."
Maitza : "Biziki ongi zen akanpalekua".
Laida : "Aktibitateetan irakasleen parte hartzea estimagarria zen".
Lorezainak : Hasi baziren ere xumeki haien landareen apala arrunta eraikitzen : neurtzen, mozten, iltzatzen, pintatzen, eta dirdiratzen, ondoren lan handiagoetara lotu ziren gogotik !!
Txintxuketa : Paletak neurtu, perimetroa eta azlaera kalkulatu, materiala zerrendatu eta erosi : gurpilak, mosaikak...arazoak.. azkenean altzairu dotoreka lortu dituzte gelan !!
Sukaldariak : Mailuak, bihurkinak eta zulagailuak utzita jirabiatzekoa, koilara, untzi eta mantalak jantzita, afitxak, manuak, 4 pertsonen errezetak 20etara egokituz, erosketetatik sukaldatzera saldu dituzte haien kafe goxoak !!
Nola lan guziek ordain bat merezi duten, kontabilitatea ongi zainduz, irabaziarekin eta igorri duten letrari esker, nahi zuten diruzama eskuratu dute ekainaren 27an, ateraldi baten antolatzeko : Sokoako hondartzara doazte "bouée tractée" egitera.
Txalo bero bat IEPeko gelako ikasle eta irakasle - AVS-ei !!
Ekainaren 7an, asteartez, eguerdiko piknika goxo baten ondotik, kolegio guzia Donibane Lohizuneko zinemara joan da, 2004an Ismaël Ferroukhik egindako Le grand voyage filma ikustera.
Aste batzuk baxoa pasa aitzin, Reda, Frantziako hegoaldean bizi den hogei urteko lizeoko ikasle bat, bere aita Mekara autoz eramatera behartua da. Hastapenetik, bidaia zaila bilakatzen da, denak aita eta semea separatzen baitu. Haien komunikazioa guttienera murriztua da. Redak nahi duen bezala bizi nahi du bidai hori, bere aitak errespetatua izan nahi duelarik eta bere beilaren sentsutik baztertua ez izanik. Kilometroak pasatzen dira eta bi gizonak hurbiltzen dira. lehenik, "Road-movies"-ri esker, hamar herrienh gaindi fisiko bidai bat kontatzen du filmak. Osasun onetik urrun izanez ere, bidai hori autoz egin nahi du aitak, bidai honen zailtasunek bere beilari zentzu bat ematen diotelako. Barne bidai bat abiatuko dute aita eta semeak eta ezezagunak diren bideetan sartuko. Nola komunikatu bestearekin eta bere kultura, hizkuntza eta erlijioari lotutako desberdinatsuna onartu ?
Aitzinetik zerumuga desberdinak deskubritzeko gisan, afitxa deskribatu eta iragarki banda ikusteko aukera ukan dute. Filma horren zati batzu hobekiago ulertzeko, Islamaren bost zutabeak ikertu dituzte, Mekako beila eta Ramadanena adibidez. Hori esker, aurtengo Ramadana maiatzaren 6an abiatu zela jakin dute. Zinema saio denboran, ikasle gehienek deskubritu dute beraz erlijio bat, sakratuak diren errituak, beilarien arteko elkartasun miresgarria. Mekan iragan den elkarretaratzeak ditu durduzatu.
Gelan, sekuentzi batzu atzertuak izan dira eta ez ulertzeak argitu dituzte. Duten ingurumen musulmandarra aipatzeko parada ukan dute batzuek : partekatze eta tolerantzia momentu eder bat. Angelun bizi den Nicolas Cazale aktoreari idaztea kolegioko ikasleei proposatu diete frantses irakasleek. Gustukoa izan duten sekuentziaren ilustrazio bat juntatuko dute.