Piarres Larzabal Kolegioa

 

SACoche - Sésamath

EasyScol

Seaska

Ikastolen Elkartea


 

Ekainaren 7an astelehenez, kolegioko 6. eta 5.eko ikasleak Donibane Lohizungo zinemara joan dira, 2013an argitaratua eta Haifaa Al Mansour egindako "Wadjda" filma ikustera.

Sinopsia : "Wadjda, 12 urteko neskatxa, Riyas hiri inguran bizi da, Arabie Saouditeko hiriburua. Ingurune kontserbadorean bizi izan arren, bizitzaz beteriko neska bat da, jeans galtzak eta bazketak daramatzana, rock musika entzuten duena eta gauza bakarra amesten duena : Abdallah lagunarekin lasterka egiteko aukera emango dion bizikleta bere ederra erostea. Baina, Wahhabite erresuman, bizikletak gizonentzat gordetzen dira, neska gazteen bertutearentzako mehatxua baitira. 

Beraz, amak uko egin dio Wadjdari, beharrezkoa den diruzama ematea ez onartuz. Dirua bere kabuz aurkitzea erabaki eta, Wadjdak, bere ikastetxeak antolatutako Koraniko errezitaldi lehiaketan parte hartzea erabakiko du, irabazlearentzat nahi den diru kopuruarekin."

Filma eder eta interesgarri honen ondotik, ikasle guztiak kolegiora sartu dira, kanpoko eremuan, mailaka ezarriz piknikatzeko, eguzkia lagun.

Ekainaren 1ean, astearteko azken orduan, kolegioko 4. eta 3.eko ikasle guztiek "Lanbide baten ezagutza" egiteko aukera ukan dute.

Taldeka banaturik, zazpi lanbide ezberdinen aurkezpena proposatuak izan zaizkie zazpi gela desberdinetan : Aitor Maritxalarekin informatikalariaren lanbidea, Edurne Indabururekin medikua - emaginarena, Jean Louis Iratzokirekin designer-ena, Bruno Irastorzarekin laborantzako makinen konpontzailearena, Marga Forestierekin kazetariarena, Larraitz Lasarekin nautiko zentroko animtzailarena eta azkenik Idoia Rodriguez-ekin aktore - idazlearena.

Eragile bakoitzak bere lanbidea aurkeztu du, zein orientazioa eta formakuntza ukan behar den eta bere lan baldintzak aipatu ditu.

Haien artean, kolegioko buraso eta ikasle ohiak baziren gainera !

Mintzaldiaren bukaeran, ikasle bakoitzak galderak pausatzen ahal zituen.

ordu biziki aberatsa ! Eskertzen ditugu etorri diren parte hartzaile guziak ! Haiek ere izigarri pozik joan dira kolegiotik, haien esperientzien partekatzeko parada ukan baitute !

Ea batzuk lanbide baten segitzeko asmoa ukango duten....

Ekainaren 1ean, asteartez, 4Ako ikasleek, talentutsua den jokolari den François Nambot-rekin mementu bat partekatzeko ohorea ukan dute, galdera erantzunen jokoan parte hartuz.

Marivaux-k egindako Le jeu de l'amour et du hasard antzerki lanean deskubritu zuten ikasleek (programan da) ; taularatze moderno eta koloretsua Boîte aux lettres konpainiak eskainirik (Salomé Villiersk egindako taularatzea).

Kartsuki prestatu zituzten galderak kolegioko laugarreneko ikasleek. François-k sinpleki eta zintzotasunez erantzun die : Dorante jokatzen duen pertsonaiari buruzko azalpenak eman dizkie ere bai, bere jokoari buruz, bere gustu artistikoei buruz, bere formauntzari buruz, antzezlari baten bizia nola den...

Ikasleak prest dira ekaina bukaeran bultzatutako antzerki tailerran aritzeko.

Milesker ainitz artista honi trukatze horrendako, bere libro izatea eta bere adeitasunarendako.

Aurtengo oroitzapen on bat egongo da !

Ekainaren 1ean, asteartez, azken orduan, bosgarreneko ikasleak gelaka bildu dira ASSR1 froga pasatzeko.

Ikasle bakoitzak taula batean egokia(k) z(ir)en gurutzea(k) ezarri behar z(it)uen proiektatua zen bideoa ongi begiratuz eta konsignak ongi kondutan hartuz.

ASSR bide sekuritateko frogagiria eskolarra diplomak eskaintzen du 5.eko ikasleei. Lehen mailakoa 5.ean eta bigarrena 3.eko ikasleendako. Ateztazioa emanan zaie 10/20 lortzen badute azterketan.

ASSR1 beharrezkoa da noizbait eskuterrarentzat baimena lortu nahi baldin badute.

Gure ikastegian ziren ikasle guztiek lortu dute ! Txalo !

Kasu eman bidean orain...

Aurtengo 4B eta 4Eko ikasleek antzerki ikastaldia bat eraman dute AXUT taldeko Arantxa Irigoyenekin.

Lanketa honen izenburua : "Atxikimendutik maitasunera" deitzea erabaki zuten sentimenduak, sentsazioak, emozioak, inpresioak... landu baitira gelan.

Lan honen abiapuntua AXUT antzerki taldeak eskaini digun "Amua" ikusgarria izan da, eta ondotik, ikasleak taldeka, euskara gelan, antzerkiko tematika ezberdinak hautatuz idazketa lan bat egin dute, antzerki laburrak asmatuz.

Arantxaren laguntza eskertzekoa izan da taularatze eta antzezteko momentuan, sinesgarritasuna aitzinera ezartzeko baita pasarazi nahi den mezua isladatzeko.

Gela bakoitzak bere proiektua bukatu du antzerkitxoak antzeztuz besteen aitzinean...

Zinez mementu atsegina izan da eta sorpresez betea !

Apirilaren 8tik goiti, Euskal Herri eta Euskal Diasporaren itzulia egin duen ametsetako "kutxa bira" herriz herri ibiliz, azken pausa egin du Maiaitzaren 29an, larunbatez Urruñako plazan. Biharramunean, bere ibilaldia bukatu du Seguran.

Kutxa ailegatu aitzin, bi hitzorduak ber mementuan baitziren, euskararen aldeko eragile batzuk, Baionako manifestazioarekin bat egiteko, bildu dira hizkuntz guttituen egoera aldarrikatzeko ere bai.

Ondotik, herri bakoitzean bezala, Urruñako elkarte batzuk eta gure kolegioko hirugarreneko ikasle batzuk harrera berezia egin diote kutxari, bertan euskarari lotutako ametsak ezarriz.

Gure ikasleek, "brebeta euskaraz" tixerta jantzirik, idatzi zituzten 3 bertso eta trikititxarekin animatutako kantu bat eskaini dute plazan, zuzenean.

Txalo bero bat erakutsi duten engaiamendu eta parte hartzearendako.

Hizkuntza guttituen gerla deklarazioa egoera honetan, beste euskararen aldeko eragileekin batera, Seaskako ikastolak, Ziburuko Piarres Larzabal kolegioko ekipa pedagogikoa eta familiak barne, agertu dira milaka, Baionako karriketan maiatzaren 29an, larunbat arratsaldean....

"Brebeta euskaraz" banderola gibelean gure ikasleek ere ozenki oihukatu dute euskararekin dituzten aldarrikapenak :

"Euskal Herrian ... euskaraz !", "Brebeta... euskaraz !", "Baxoa... euskaraz !", "Hemen gaude.... euskararen alde !" 

Txalo bero bat bildu diren guztiei eta gure ikasleei haien dinamika eta kemenarendako !

"Euskararik gabe, bakerik ez !"

"Euskarak murgiltzea behar du !"

Maiatzaren 28an, ostiralez goizeko 11etan, hirugarren eta laugarreneko ikasleek zuten kulturari lotutako hitzordu bat kanpoko eremuan : "A taille humaine" emanaldia, Delit de façade konpainiak emanik.

Bilduma : " Itsas zeharkaldi baten ez den kontakizun gurpil bat kontatzeko emanaldia. legez kanpo den mutil bat eskolaturik zen ikasgelatik desagertu da. Lizeoko ikasle bat egia entzun dadin borrokan ari da. bere sentimenduekin borrokan den eta amorru eta umorea errateko beharra duen nerabearen sinpletasun eta edertasunean ageri zaigu, Damianeren potreta hori. Ezartzen dizkizuten etiketetatik haratago bizitzea, Damiane zuzentasun eta berdintasun egarri da."

Karrika ikusgarri miresgarria, kolegioko kanpoko eremuan emana, testua - dantza eta musika elkarturik. Eszenografia elementu desberdinekin egin izan da : migranteak erakusteko metalezko objektuak, "askatasuna, berdintasuna, anaitasuna" leloa idurikatzen duten hiru koloredun banderak kritikatuak, legeak eta politikariek zapaltzen baitituzte eskubide horiek. Etorkinen harrerari buruzko Frantziar estatuak duen politikaren kritika bortitza. Bi antzezlari-dantzari gazteak konplize diren bi lizeoko ikasleak jokatuz, bat Frantsesa idei mugatuak dituen aita baten alaba, eta bestea, bolikostarra, bere adin heldutasunera hurbiltzen ari den unean ezin jasanezko egoera bizitzen duena. Horren aitzinean mobilizatzen den eta bere ikasleen iniziatibak sustengatzen dituen Arte plastiko irakasle bat agertuko da. Bere alabaren konfiantsa berreskuratzeko, atzerakoi ideiak dituen aita horrek tolenratzia eta idekidura lortu beharko ditu. Perfomantzia ederrak eta barne, Krump dantza estiloaren deskubritzea.

Nola hitz egin mobilizazioaz, beldurra eta koldarkeriaren aurka ?

Existenziaren konplexutasunaren zukuaren aurkako immobilismoaz ?

Nola, heroismorik gabe, humanoa izaten segitu ?

Gaurko aktualitate puri-puria....

Maiatzaren 27an, ostegun goizez, kolegioko hirugarreneko ikasleak joan dira Urruñako Itsas Mendi zinegelara "Les adolescentes" dokumentala ikustera, 2020ekoa da eta Sebastien Lifshitz du gauzatu.

Sinopsia : Emma eta Anaïs bereizezin bi lagunak badira ere, dena aurka jartzen zaie...

Adolescentes erreportai filmak segitzen du haien ibilbidea, 13 urteetaik haien adinak bete arte, haien biziko bost urte, nun transformazioak eta lehen exeprimentuak elkar joka ari diren....

Haien 18 urteetan, zein emazte bilakatu diren jakin nahiko genuek eta haien adixikidetasuna zertan den...

Gaztetasun kronika horren bitartez, azken bost urteetako Frantziako argazkia eskaintzen digu filma honek.

Bi orduz izigarri atentiboak egon direla gure hirugarreneko ikasleak azpimarratzekoa da.

Azken bolada honetan, zinema gela batean sartzeko aukera ukan dute gure ikasleek, nerabetasunari buruzko dokumental interesgarri bat ikusiz.

Maiatzaren 25ean pedagogi eguna iragan da gure kolegioan, ondorioz 6., 5. eta 4.eko ikasleak etxean egon dira.

Aldiz, hirugarreneko ikasleek haien bigarren brebeta xuria pasa dute !

Maiatzaren 25ean, asteartez, goizean frantsesa froga eta arratsaldez matematikak.

Maiatzaren 26an, asteazkenez, zientzi froga lehen orduan eta ondotik historia - geografia froga bi orduz.

Hirugarreneko ikasleak hiru geletan banatuak izan dira azterketa baldintzetan ; IEPekoak eta denbora herena zutenek beste gela batean.

Azken hilabetean sartzen dira, azken berrikuspenak egiazko azterketa aitzin.

Berrikuspena on deneri !