Piarres Larzabal Kolegioa

 

Nautika Eguna

EasyScol

Seaska

Ikastolen Elkartea


Herri Urrats

 

Bazkaltzeko pausa denboran, 6. eta 5.eko hogei bat ikasle ari dira karraskan kantu tailerran, haien hizkuntz desberdinetako "medley"-a lantzen.... Lau hizkuntzetan !

Irailaren erditik, gustukoak dituzten abestiak zerrendatu, proposatu, eztabaidatu eta selekzionatu dituzte ; ondoren, zein kantu landuko dituten erabaki eta bi aldiz astean, biltzen dira lantzeko.

Azaroaren 25ean, igandez, iraganen den kantaldiako lehen partean, haien bozak entzuteko parada ukango dugu !!

Eta ondotik, Kalakan taldearen kontzertua !!

Zatozte !!

Urtero bezala, azaroaren azken igandean, 25ean aurten, dugu hitzordua Urruñako polikiroldegian, arratsaldeko 16:00etan, Urruñako ikastola eta Ziburuko Piarres Larzabal kolegioa laguntzeko !

Lehen parte batean, Urruñako haurrak eta Ziburuko gazteek dute kantatuko eta ondotik famatua den KALAKAN taldea entzuteko parada ukango dugu !

Txartelak aitzinetik salgai dira 12 eurotan Urruñako ikastola eta Ziburuko Larzabal kolegioko burasoen eskuetatik eta Urruñako Batika ostatuan, Dongaitz trinketean, Pausuko Xaia ostatuan eta Segurako Elorripe ostatuan. Bertan 15 eurotan izango dira.

Goierriko ikastolak eta elkarteen laguntza eskertzekoa da !

Emanaldi honen ondotik, taloak salgai izango dira zintzur bustitzearen denboran, Kuxkuxtu txarangaren erritmoan !

Burulagunean apuntatu data !

Urriaren 26an, ostiralez, 900 pertsona baino gehiago bildu dira Donibane Lohizuneko elizan Wolfram sindromoa elkartea laguntzeko !

Trikititxa, kantua, kalitatezko emanaldia Amaren Alabak eta Joseba Tapiaren taldeekin !

Iluneren familia, trikitilari lagunak, kolegioko  lagunak eta publikoari esker inguratua izan da !

Txalo bero bat sustengatzaile guztiei !

Joan den urriaren 18an, ostegunez, laugarreneko ikasleak Baionako Euskal Museora joan dira ; 4A eta 4Bkoak goizez eta 4Dkoak arratsaldez.

Lurraldeak proiektua kari, "Gaur 1966, Euskal Arte Frankismoaren garaian, ihardukitzea eta abangoardia" erakusketa gidatua ukan dute alde batetik eta bestalde,museoko gune desberdinak deskubritzeko aukera.

Zortzi artisten obrak hurbiletik aztertu dituzte : Rafael Ruiz Balerdi, Nestor Basterretxea, Amable Arias, Jorge Oteiza, Jose Luis Zumeta, Jose Antonio Sistiaga, Remigio Mendiburu eta Eduardo Chillidaren zizelkadurak eta margolanak.

Ondotik, galdezketa fitxa bat bete dute Ziburuko bidea hartu aitzin.

Milesker Hego Lapurdiko hiri elkargoari bere partaidetzarendako.

Urriaren 16an, astearte arratsaldez, Wolfram sindromoa duen seigarreneko ikasle baten aita eta izeba kolegiora etorri dira ikasle guztiei eritasuna aipatzera.

Lehen parte batean, Wolfram sindromoaren ondorioak zerrendatu eta esplikatu dituzte :

- diabeta, azukre gehiegi edo eskasa, insulina, hipoglizemia...

- ikusmen zainen txuntxitzea

- orekaren galtzea

- gustua edota entzumen apalmendua

Frantzian, 50 kasu badirela azpimarratu dute eta Euskal Herrian : 2 iparraldean eta 3 hegoaldean.

Bigarren parte batean, ikerketa aitzinatzeko dirua xerkatu behar dela oroitarazi diete eta joan den urtean bezala, kontzertua bat antolatua dela heldu den urriaren 26an, Donibaneko elizan, arratseko 8:30tan : Amaren alabak eta Joseba Tapia taldeekin. Kolegioko ikasle batzuk eta ikasle honen trikitilari lagunek parte hartuko dute ere bai.

Beraz data burulagunean apuntatu eta elkartasunez denak bildu !

Txartelak salgai dira Turismo bulegoetan, Azkaingo Plazan ostatuan, Donibaneko Battela ostatuan, Urruñako Trinketa ostatuan10€tan eta bertan 12€tan.

Urriaren 13an, arratsaldean, Angelura joan dira hirugarreneko 18 ikasle.

"Eraikinen hegaletan" ibiltzeko aukera ezin hobeagoa.

Eraikuntzako hainbat alor eta adituk baita aprendizgoko ikasleek harrera bikaina egin digute.

Bukatzeko, gure ikasleek tokian bertan lanbide hauen ikusteko aukera ukatea anitz preziatu dute.

Urriaren 11an, ostegunez, kolegioko ikasle eta helduendako egun berezi bat izan da deitutako "nahiera eguna" : osteguneko ordutegi guztia bermoldatua izan da !

Goizeko 8:30tik 9:00ak arte, tutoreka eta talde ttipika bildu dira ikasleak, denen artean prestatutako gosari elikatu bat partekatzeko.

Goiz eta arratsaldez, antolatutako aktibitate eta tailerretan banatu dira mailaka :

- 6.ean : euskara froga, aniztasuna tailerrak (kultur aniztasuna, arrazakeria, ahalmen urritasun fisikoa, dislexia, genero / sexu aniztasuna...) eta "Art'u ta ekin" proiektu tailerrak (erritmo tailerra, ikus entzunezkoa, gorputz adierazpena eta ahozkatzeko tailerra)

- 5.ean : "comic strips" (ingles hiztegia, informatikan lojiziela bereziaren erabilpena, artean onomatopeiak...) eta sukaldaritza (matematikako proporzionaltasuna, espainolezko hiztegia, zientzietako esperimentuak...)

- 4.ean : eguzki sistema (jokoak, kalkuluak, esperimentuak...) eta aniztasuna

- 3.ean : frantsesezko brebeta lanketa, euskaran erremediazioko ariketak eta gorputz heziketa

Bestalde, talde batek egun osoa pasa du tronz baten mekanismoa aztertzen eta ulertzen.

Eguerdiko pausan, ikasleek jan dute kanpoan, Mega Kantu Piknika antolatua biatzen ; lau musikari eta kantu liburuxkari esker, kantu herrikoiak abestu dituzte ozenki eta giro biziki onean, dantzan bukatzeko !

Egun interesgarri eta paregabea izan da denentzat !

Irailaren 18 eta 25ean, ARSA eta PLANINGako kideak 3A eta 3B-ko ikasleekin, talde txikitan, gogoetak eraman dituzte gai desberdinen inguruan, hala nola :

- elkar bizitza, bestearen errespetua, sentimenduak, emozioneak,

- sexu eritasunen prebentzioa (preserbatibo detekzio azterketa, detekzio azterketen zentroa),

- desiratuak ez diren haurdunaldiak, planifikazio zentroa (urririk), abortatzea, urjentzia pilula....

Ikasleak adi egon dira eta baikorki parte hartu dute.

Urtero bezala, kolegioko ekipa pedagogikoak urte hastapeneko agonaldi bat proposatu du kolegioko 95 seigarrenei. Hiru egunez Orioko Txurruka aterpean egon dira euskarazko giro batean murgildurik, elkar hobeki ezagutzeko helburua hartuz, ikastola desberdinetatik heldu baitira (Sara, Senpere, Azkaine, Miarritze, Urruña, Hendaia...).

Irailaren 19an, asteazken goizean, Zestoako bidea hartuz, bi taldetan banatuak izan dira bi aktibitate desberdinetan parte hartzeko : Alde batetik, Erdi Aroko Lili jauregiaren bisita egin dute Andere Madalenari esker. Antzerkitxo baten moduan aurkezturik, "zerbitzari berriak" deitutako ikasleak gelaz gela ibili dira bere familiako istoria entzunez. Gaztelu honen inguruan den erreka eta oihanaren bazterrean, zientzietako gida fitxak segituz, landare edota hosto desberdinak aurkitzeko parada ukan dute talde ttipika, urratsez urrats.... Bestalde, Ekainberri leizeetara hurbilduz, bertako tailer gelara sartu dira sua nola egiten den ikasteko eta ehiztari ttipiak bilakatuz, lantza botatzearen ariketa eginez. Azkenik, leizeetako arroketan agertzen diren margoak, bereziki zaldiak, hurbiletik aztertu dituzte. Arratsaldean, Orioko Txurruka aterpera sartu eta instalatu dira haien lagun berriekin, kirol eremu zabalean jokoetan aritu, eta arratseko gaubeila prestatu.

Biharamunean, irailaren 20an, ostegunez, ongi gosaldu, mendiko zapatak ezarri eta, Oriotik Zarautzera oinez joan dira hondartzara iristeko. Bertan, talde ttipitan banaturik, "argazki'rally" bat egin dute : mapa bati esker, orientazioa landu, monumentu desberdinak aurkitu eta argazkiak hartu dituzte. Ibilaldi honen ondotik, elagrrekin piknika erraldoi bat partikatu dute. Arratsaldez, geltokira joan dira Euskotren topoa hartzeko eta Oriora itzultzeko.... Hau desafio ! Gehien batek lehen aldikotza bere txartela konpostatu du eta treina hartu ! Oriora iritsi eta, portura hurbildu dira lekuko historiaren entzuteko HG irakaslearengandi, Oteizaren eskulturaren inguruan elkartuz. Bentio Lertxundi hango kantari famatua dela jakin dute eta Arraun taldearen bandera horiak balkoinetan ikusi ere bai ! Egun hori fisikoa izanki, aterpera itzuli dira ; batzuk jolasten ari ziren bitartean, nahi zutenek Orioko hondartzan freskatu dira, dutxak, afaria eta gaubeila aitzin.

Azken egunean, irailaren 21ean, ostiralez, materiala bildu eta, Donostiara joan dira Tabakalera Kultur Zentroa bisitatzeko eta Christina Enea parkean piknikatzeko, bertan landare eta animaleen artean ibiltzeko.

Kolegiora iristean, oroitzapen liburuxka betetzen bukatu dute eta egonaldiko ahozko bilan biziki baikorra egin dute. Bukatzeko, gure ikasleek ikasturte hastapen honetan, harreman biziki azkrrak lortu dituztela egonaldi honi esker ondriozta dezakegu, motibagarriak ziren aktibitate eta amorratuak ziren animatzaile guziei esker.

Urte hastapen hontan, bazkaltzeko garaian, burua husteko aktibitateak proposatuak zaizkie kolegioko ikasleei : 12h45etatik 13:30ak arte 6. eta 5.entzat eta 13:45etatik 14:30ak arte 4. eta 3.entzat.

Astelehenetan : eskulanak proposatuak dira Iolandarekin.

Astearte eta ostiraletan : azaroaren 25eko kantaldian parte hartzeko kantu tailerra Maritxurekin.

Ostegunetan : nahi dutenendako eta jan aitzin eta ondotik, mahai jokoak gelditu gae Maritxurekin.

Kirol arloan, Olagarroa elkarteak eskalada saioak proposatzen ditu asteazken arratsaldetan.

Lagunen artean jolastea aktibitate berriak deskubrituz eta euskaraz segitzea aisietan ere bai aktibitate guztien helburua da.

Ez da berantegi zuen izenak gehitzeko ! Animo !