Oporrak aitzin egindako enpresaren behaketa ondotik, hirugarreneko ikasleek haien txostena aurkeztu dute banan banan martxoaren 1ean, asteartez, azken orduan, kolegioko irakasle bat eta ber ikasgelan ziren maila desberdinetako ikasleen aitzinean.

Ikasle bakoitzak bere ikastaroa eta lanbide bat aurkezteko gai izan behar zuen, hainbat irizpide kondutan hartuz : gorputzaren adierazpen egokia, ahozko adierazpen egokia, adieratzitakoare koeherentzia eta kohesioa, hizkuntza zehatzaren erabilpena, hizkuntza xuxenaren erabiltzea (gramatika, ahozkera...) etabar..

Hirugarreneko ikasleak 20 taldetan banatuak izan dira eta irakasle "epaile" bakoitzak hiruzpalau ikasle zituen.

Orokorki, ikasleek txosten sakonduak aurkeztu dituzte eta lanbide baten aurkezteko publiko eta epaile baten aitzinean gai izan dira.

Eskuratu dituzten hobetze aholkuekin batera, ikastaldiaren txostena aurkezten ahalko dute brebetarako ahozko gisa.

Otsailaren 10ean, ostegunez, bigarren "Nahiera eguna" deitutako egun berezia antolatua izan da kolegioan.

Mailaka eta talde ttipika, protokoloa errespetatuz, ikasleek hautatutako tailerretan ibili dira, egun osoan : Bi orduko bi tailer goizean eta arratsaldean bi orduko tailer bat.

Hala nola : 

- seigarrenendako : erlaxazio ariketak, filosofatzen, kantatzera goaz !, sukaldaritza eta artea, ihauterietako pertsonaiak, krossa eta serigrafia

- bosgarrenendako : estatistikak esku baloian, geoguessr, achtung spitfire ! hegazkinen maketa, matematika eta artea, euskal dantzatik dantza modernora, booktrailer

- Laugarrenendako : elektronika eta matematika, cortometraje, let's play soccer, aurkikuntza handiak !, josketa tailerra, escape game : dónde està el chef ?

Anartean, hirugarreneko ikasleak haien enpresa ikastaldian ziren.

Egun bikaina pasa dute ikasleek eta edozoin hizkuntzetan gozatu dira !

Otsailaren 9an, asteazken goizez, "Hiki Mihi Klik" ipuin kontaketa bat ekarrarazia izan da kolegioko IDZtan, gabonetako animazioa ezeztatua izan baitzen.

Bi aldiz, Eleka konpainiako Jokin eta Kattalinek eman dute haien emanaldia seigarreneko ikasleen aitzinean : 6A - 6Bkoendako lehen orduan eta 6D - 6E ikasleentzat hirugarren orduan.

Euskara zaindu batean, idatzitako zazpi ipuin hauek belarrietako gozamen bat izan dira. Pertsonai ugari dira istorio ezberdin hauetan, hala nola baratzezainaren emaztearena, erregearena, belea eta txirularena, garratoin bikotea eta Hamelingoena, nini itsuarena, buru hezurra eta zakur beltzarena.

Ikasleak adimen handirekin entzun eta erantzun dute eskainia izan zaienari.

Ipuin guztiak musikaz, kantuz ala dantzaz apailatuak izan dira. Bidaiatzeko eta ametsez betetzeko momentu zoragarriak bizi dituzte, euskaraz gozatuz !

Milesker Jokin ta Kattalin !

Otsailaren 8an, astearte eguerdiz, Blobologista klubeko ikasleei, "Alpha misioan" parte hartzeagatik, ikasle-agiria emana izan zaie.

Hona agiriarekin betan izan duten mezua :

"CNES, ESA, CNRS eta Tolosako Akademiako hezkuntza taldeko kideak, Blobologista klubean parte hartu duten ikasleentzat Hezkuntza-Esperientzia #ZureBlobaArtatu agiria ematea pozten dira. Zorionak berriro esperientzia hau martxan jartzeko egindako ahaleginagatik eta eginiko lan guztiagatik !"

Bestalde, ikasleek sortu dituzten tutorialekin, jarduera hau lehen mailetako ikasleei luzatzea pentsatua izan da.

Txalo !

Urtero bezala, garai honetan, hirugarreneko ikasleei antolatua izan zaie brebeta xuria bat kolegioan bertan.

Otsailaren 4an, ostiralez, goizean pasa dute 4 orduko frantsesa froga : testu ulermena, berridazketa, diktaketa eta idazlan, eta arratsaldean, Baionara joan aitzin, euskara B2 froga xuria ordu batez.

Asteburua ondotik, astelehenez, otsailaren 7an, Historioa - Geografia - Herritar heziketa froga bi orduz pasa dute goizean, ordu bateko zientzi froga aitzin eta arratsaldean matematikak bi orduz.

Biharramunetik ostiralera, hirugarreneko ikasle guztiak enpresa ikastaroan izan dira : oporretatik landa, enpresa ikastaroko ahozko bat aurkezteko digute.

Otsailaren 4an, ostiralez, kolegioko 4 autobus abiatu ziren Baionako bidea hartuz ! Bertan, Saint Esprit zubiaren gainean lotu ziren kolegioko 280 ikasle, irakasle eta langileak, Seaskako beste ikastegiei giza kate ederra lortzeko tren geltokitik Suprefeturaino.

Txalo bero bat parte hartzaile guztiei !!! Katea lotua izan da Seaskako lizeoa eta lau kolegioen artean ! bertan ziren sustengatzaileak eta familiak ere eskertzekoak dira !

Kolorea eta arrabotsaren bitartez, gure eskubidearen eskaeraren nahia ozenki agertu Desafioa lortua !

Garaia da ! Azterketak euskaraz orain !

"Ai zer bordela Baionan, ikastolak.... utzi bakean lehen baitlehen" !

Otsailaren 1ean, asteartez, jan ondotik, 4A eta 4Eko ikasleak Senpereko Larreko kultur antzokira joan dira "Ce qu'il nous faut" antzerkia ikustera. Elekroakustikoa eta poesiz betetako emanaldi hori 2021eko azaroaren 30ean sortua izan da Pierre Badaroux eta Sarah Auvray-rengandik.

Aurten, "Deserria"ren gaia landuko dutenez laugarrenekin, antzerki honek bere interesa bazuen, batez ere emanaldiaren mementuan entzun lekukotasunei esker eta urte bukaeran eginen duten sorkuntzari begira (soinu banda bat, antzerki idazketa...).

"Bistan da airea eta ura behar ditugula ; baina zer gehiago behar da bizirik irauteko eta nor bere baitan ontsa sentitzeko ?"

"Ce qu"il nous faut" 'behar duguna) iuskizunak zenbait erantzun ematen ditu. Zuzeneko irrati emankizun baten itxura duen ikuskizunean, zenbait lekukotaun entzuten dira, testu batek lekukotasun horiek bata besteari lotzen ditu eta gaurkotasunarekin eta ezinbestekoa den musikarekin lotutako ikuspegiak zabaltzen ditu......

Pierre Badaroux eta Sarah Auvrayk, binaka, hainbat ikuspegi ezagutaratzen dizkigute.

Mementu biziki ederra pasa dute denek elgarrekin.

Beste behin ere, euskarari eta beste mintzaira gutxituei dagozkien hizkuntza eskubideak zapalduak dira. Urtarrilaren 25ean, Seaskak prentsaurrekoan azpimarratua izan den moduan, Frantziar Hezkuntza ministerioak zabaldutako azken zirkularrak ez du azterketak euskaraz pasatzeko aukera bermatzen. Izan ere, eskubide hori aplikatzea Bordaleko akademiako Errektore andereareikin eskuetan uzten du eta azken honek ez du zirkular hori "gu bezala interpretatzen". Ondorioz, euskararen presentzia azterketa ofizialetan zalantzan emana da ! Euskara erabat bazertzen da ! 30 urteko atzera pausu izugarri eta onartezina da !

Berriz mobilizatu behar dugu gure indarra erakusteko gure hizkuntza eskubideak errespeta arazteko. Horregatik, otsailaren 4an, ostiralez, Seaskak mobilizazio handia antolatzen du Baionan.

Horren karietara, kolegioko ikasleak hasi dira banderolak prestatzen haien bazkaltzeko denboraldian. Txalo gure 4. eta 3.eko artistei !!!

HIZKUNTZA ESKUBIDEEN ALDE, DENAK BAIONARA, DENAK ELGARREKIN !

Urtarrilaren 31an, astelehenean azken orduan, laugarrenekoen programan sartzen den "Migranteen mundu bat" gaiaren kari, Aita Mari itsasontziko taldearekin harremanetan sartu dira eta bideo dei bat antolatu dute beraiekin.

Antolaketa errexteko, bisio konferentzian parte hartuko zutenek ber gelan ezarri dira eta beste laugarren guztiak beste bi geletan, baina denak sarean.

Aita Marik, 2017tik goiti, Mediterraneo erdialdeko egoera tragikoa ikusirik, itsas erreskate misioak egiten hastea erabaki zuen.

Gelan munduko migrazio ezberdinak zein diren landu ondotik, Mediterraneoa zeharkatzen saiatzen diren pertsonei interesatu dira.

Ikasleek hainbat galdera prestatu zituzten eta bideo dei honetan izan den eztabaidak erantzunak ukatea ahalbidetu du.

Eskertzen ditugu Aita Mariko kideak beraien esperientzia gurekin partekatzeagatik eta mundu hobe bat posible dela sinesteagatik.

Nola ez eskertu ikasleak, erakutsi duten interesa eta sentsibilitateagatik, baita ere kolegioko ekipa, ekintza honetan laguntzeagatik.

Aurtengo ikasturtean, bi urtez ezin egin izan duten ateraldia berreskuratua izan da.

Urtarrilaren 22an, larunbatez, 3. eta 4.eko ikasleekin Ski ateraldia burutu zuen kolegioko Olagarroa kirol elkarteak, Candanchun.

Goiz esnatu behar izan zuten denek, baina egunak merezi izan zuen, argitu ahala ikusi zuten egun bikaina zutela aurretik.

Goizeko 6:00tan abiatuz, 9:00ak alde mendi txurietara iritsi ziren. Bertan taldeetan ezarri, materiala hartu eta pistetara ! Eguerditan pausa bat egin zuten elgarrekin piknikatzeko eta berriz pistetara, arratsaldeko 5ak arte gutti gora behera. Arratseko 7:30ak inguru, etxeetara sartu ziren.

Eguraldia lagun eta elurra goxo izanik, gozatu ederra hartu zuten parte hartzaile guztiek : 40 ikasle eta 9 heldu, haien mailaren araberean, talde ttipitan banaturik.

Mila esker ateraldian parte hartu duten ikasle guztiei eta nola ez, ateraldia egin dadin laguntza eman duten langile eta laguntzaile guztiei !

Aupa Piarres Larzabal kolegioko skiatzaileak !