Ekainaren 30ean, asteartez, laugarrenek ere bai azken eguna zuten !

Horiek ere azken kurtsoak bizi zituzten, kutxak hustu, liburuak itzuli, azken piknika egin ....

Azken orduan, hiru gelak elkartu ziren irakasle arduradunekin batera Zokoako Untxin bazterrera joateko : bertan, krakada bat eskainia izan zaie eta azken jolasen inguruan azken oroitzapen partikatu dituzte...

Arratsaldeko txirrina jotzean, ikasleek otobusa hartu dute udako bidean.

Agur bero bat laugarreneko ikasle guztiei !

Heldu den sartzea arte.... hirugarrenean !!!

Zuek ere : euskaraz gozatu eguzkitan !

Ekainaren 30ean, asteartez, azken kurtsoak egin eta, azken piknika, kutxak hustu eta....

Azken orduan, seigarreneko ikasleei krakada bat eskainia izan zaie !

Elgarrekin talde argazki oroitzapenak atera dituzte.... eta txirrina jotzean etxera joan dira biziki pozik !

Uda on seigarreneko ikasle guztiei !

Ez ahantz euskaraz gozatzea eguzkitan !!!

Agurrrrrrrrrrrrrrr !

Ekainaren 22an, astelehenez, bi asteetako azken sartze berezia antolatua izan da gure kolegioan, hala nola astelehen eta asteartetan, 6. eta 4.eko ikasleendako eta ostegun eta ostiraletan 5. eta 3.endako. Hala ere, orain arte bezala, hala eskatzen duten familiek 4 egunetako harrera egiteko aukera izan dute. Egunean zehar ikusiz zer kopuruak ziren lau eguneko harrera 4. eta 3.eko ikasleei zabaldua izan zaie.

Nahiz eta protokoloa arindu den, ikasleak maskarekin sartu dira kolegiora, mugimendu guztietan erabili beharko zuten bezala. Geletan, ikasgela finkoetan daude ikasleak eta urtean zehar ukan duten ordutegia segitzen dute. Kolegiora etortzen ez direnendako, irakasleak telelanean segitzeko antolatu dira.

Kanpoko eremuan, protokoloak agintzen duen bezala maila desberdineko ikasleak ez gurutzatzeko, jolas garaiak eta eremuak berrantolatuak izan dira ere bai : futbola eta pilota jokoak berriz onartuak izanez !

Eguerdiko pausan, etxetik ekarritako piknika jateko aukera ukan dute kanpoko eremuan.

Arratsaldeko 4:30tan, ikasle guztiak pozik autobusez sartu dira etxera, lagunekin berriz topatzeko eta goxatzeko aukera ukan baitute egunean zehar.

Maiatzaren 18an, sartze berezia ukan zuten 6. eta 5.eko 42 ikasleek.... erritmo berria hartuz maiatza bukaera arte !

Deskonfinamenduko bigarren fasean sartuz, kolegioak maial guztietako ikasleei bere ateak ideki ondoren, ekainaren 4an, sartze berria egin zuten berriz 115 ikasleek, ikasle kopuru orokorraren herena, 4 egunez astean lanean aritzeko aukerarekin.

Goizetik, segurtasun neurri desberdinak errespetatu behar ziren : kolegioan maskarekin sartu, metro bateko distantzia errespetatuz, eskuak garbituz eta talde berri bat integratuz gelara igo aitzin.

Ikasgelak ez dituzte beti bezala atzeman, izan ere antolaketa bermoldatua zen beti ere segurtasun neurriak errespetatzeko : gelen neurria kontutan hartuz, gehienik 17 ikasle errezibitzeko moduan antolatu dira gelak aldi honetan, mahainak urrunduz eta ikasleak bakarka instalatuz.

Goizean zehar eta jan ondoren, pausa bat ukan dute kanpoko eremuan, talde bakoitza bere kanttuan egonez, joko berrietan parte hartuz : pilota misterioa, mimoak, zkubiduak, baxoa euskaraz !, orkestra sinfonikoa....

Eguerditan, etxetik ekarritako piknika goxoa jantegiko mahainetan bazkaltzeko aukera ukan dute, txanda desberdinak antolatuak baitziren.

Txandaka egunean, arnasa hartzeko kirol ordu bat ukan du talde bakoitzak : yoga, tabata, ping pong, zumba.... !

Egunean zehar, ikasleei emandako telelana aitzinatu dute, instalatutako eremu desberdinei esker. Maskaren erabilpena edota distantzien atxikitzeko geroz ta errezagoa bilakatzen ari da ikasleendako, mereximendua dute zinez !

Maiatzaren 18an, astelehenez, sartze berezia ukan dute 6. eta 5.eko 42 ikasleek... Kolegioa osoki bermoldatua zen...

Goizetik, segurtasun beurri desberdinak errespetatu behar ziren : kolegioan maskarekin sartu, metro bateko distantzia errespetatuz, eskuak garbituz, eta talde berri bat integratuz (martxo aitzineko ikasgelaz ahantziz) gelara igo aitzin. Irakasle batekin gelan sartu eta instalatu ondoren, haien azken bi hilabeteetako bizipenak trukatzeko aukera izan dute.

Ikasgelak ez dituzte beti bezala atzeman, izan ere antolaketa bermoldatua zen beti ere segurtasun neurriak errespetatzeko : gelen neurria kontutan hartuz, gehienik 12 ikasle errezibitzeko moduan antolatu dira gelak, mahainak urrunduz eta ikasleak bakarka instalatuz...

Goizean zehar eta jan ondoren, pausa bat ukan dute kanpoko eremuan, eguzkia lagun, talde bakoitza bere kanttuan egonez, eta arnasa hartzeko kirol ordu bat ukan du talde bakoitzak.

Eguerditan, etxetik ekarritako piknika goxoa jantegiko mahainetan bazkaltzeko aukera ukan dute.

Arratsaldean, berriz ere gelara.

Egunean zehar, ikasleei emandako telelana aitzinatu dute, instalatutako informatikako lau eremu desberdinei esker.

Maska aurpegian izanki irriñoak ez baziren agertzen ere, hor ziren ikasleentzat esperientzia bitxia izan da, elkartu abitira egoera berezi honetan. Eguna gazigozoa izan da alde batetik pozik baitziren lagun batzuk berriz ikusteagatik, baina bestalde ez osoko eroso ez baitute haien kolegioko "bizi normala" berriz atzeman.

Eguna xarmanki bukatu da eta kolegioak ateak hetsi ditu biharramuneko eguna aitzin, dena desinfektatzeko eta garbi garbi uzteko !

Martxoaren 16etik aurrera, Piarres Larzabal kolegioa hetsia izan da, abisua ukan arte.

Ikasleek, haien etxetik, etxeko lanak aitzinatzen dituzte irakasleek emandako lanen arabera.

Denak arduradun gara, denak babestu behar gara !

Eskulanak, sukaldaritza, kantagintza edo beste egiteko baliatu denbora librea ! Euskaraz gozatu !

Baina egon etxean !! Kuraia on deneri !!!

Keinu ttipi bat arriskuaren aitzinean direnendako egunera : farmazietan eta hospitaletako langileei....

Martxoaren 12an, ostegun arratsaldez, kolegio guztia Donibane lohizuneko Les Ecrans Luzien zinemara joan dira bi filmen ikustera.

Alde batetik, 6. eta 5.ek 1927an Clyde Bruckmanek egindako "Le Mécano de la Générale" komedioa ikusi dute : "Johnie Gray trein gidariak bere bizia partekatzen du Annabelle bere emaztegaia eta La Générale lokomotiboaren artean. Sesezio gerla garaian, sudista armadan engaiatzeko xedea du, baina mekanista gisa gehiago baliagarria izango dela estimatzen dute. Annabelle-i beldurtia ez dela frogatzeko, bere amorosa eta bere lokomotiba lapurtu dutelako, nordista espioen gibeletik ibiltzera joango da bakarrik..."

Bestalde, 4. eta 3.eko ikasleek 1955an Alfred Hitchcock egindako "Fenêtre sur cour" filma begiratu dute : "Hanka hautsi batengatik, gurpil aulki batean bere etxean egotea behartua da L. B. Jeffries erreportari-argazkilaria. Ekintza gizona eta abenturzalea izanez, bere gelditasun bortxatua baliatuz, Greenwich Villageen okupatzen duen egoitzako biztanleen portaera aztertuko du. Lars Thorwald, bisean biseko auzoak bere emaztea hil duela ondorioztatzen du. Hastapen batean, Lisa Fremont, bere ezkongaiak, ez du serioski sinesten baina pittaka jokoan sartuko da berekin..."

Ikasleak biziki pozik atera dira eta kolegiora sartu bezain orduko kurtsora joan dira. Filmari buruzko gogoeta aitzin egin bazuten ere, ondotik segituko dute frantses kurtsoetan.