Abenduaren 2an, astelehenez, beti elkartasun proiektua kari, Emanik elkartearen bi kide komitatu ditugu kolegiora : Nikolas Regerat suhiltzailea eta erretretaduna den Michel Sarratia jaunak. Elkarte hori berria da, nazioarteko erakunde humanitarioa da.
Joan den astean aipatzen bagenuen etorkinek ihes egiten dutela haien herriatik baldintza txarretan baitira... 30 kidez osatutako elkarte hori entsaiatzen da bertan dituzten beharrei erantzutea, nahiz eta beste urteetan gehiago naturalezko kastastrofeen ondorioei entsaiatzen ziren laguntza ematen (tzunamia, tifoia, lurrikara...) bai Indonesian, Nepalen edo Haitin. 2003tik landa, duela 16 urte beraz, Perura joaten dira laguntza ematera. Hiru erakundeen artean ari dira : Estatuak (irakasleendako), Comedor popular deitutako gunea eta Emanik elkartea.
Liman aritzen dira ; Amazonia eta mendietan jende arras gutti dabil, jendea kostaldean kokatua da eta erdia baino gehiago pobrea da. Herriaren beharren arabera populazioa laguntzeko elkartea deitua da ; aldi honetan gazte elbarrituak eta haien ama laguntzeko, gehienetan aitak ihes egin baitu eta elbarritasunarengatik ez baitira etxetik ateratzen.
Elkartearen helburu nagusia da : elbarritua pertsona arrunta bezala konsideratua izatea eta formatzea egun batez okina, ile apaintzailea edo azazkal apaintzailea bilakatzeko. Elbarritasun mota ezberdinekin lan egiten dute : trisomikoak, autistak eta beste.
Irudien bitartez, nolako tailerrak bultzatzen dituzten ikus dute ikasleek : eskuak garbitzen ikasten dute, sukaldatzeko txanoa edo jantzi berezia ezartzen, osagaien zerrenda osatzeko dendara joan eta erosi, ongi ahozkatuz eta eskatuz, marraztea ikasten dute ere.... emeki dena hastapenetik ikasi behar dute !
"Comedor popular" deitutako gunean dituzte horrelako programak bultzatzen ; bertan janaria 2000 pertsonentzat egiten da haien etxeetara eramateko.... Biltzen den diruarekin, labeak eta tresna bereziak erosten dituzte bertan formakuntza bultzatzeko adibidez. Gunean 5 profesionalak ari dira ere bai : pzikologa, medikua, kinesiterapeuta, irakasle aditua eta koordinatzaile bat.
Ikasleak interesatu dira biziki eta baikorki parte hartu dute. Orain, elkartea laguntzeko diru bilketa bat egingo dute, abenduaren 9tik 13ra kudeatuko duten gosari salmenta baten bitartez.
Milesker ainitz Nikolas eta Michel zuen azalpen zehatz guzti horiendako eta segi elkartasunez !
Azaroaren 26an, asteartez, bazkaltzeko pausan, Irungo Harrera sarea guneko bi bolondresak komitatu ditugu gure kolegiora : Jon Aranguren eta Amets Arzallus. Etorkinei buruzko bi mintzaldi animatu dituzte, alde batetik 20 seigarren - bostgarreneko ikasleendako eta bestalde 20 laugarren-hirugarrendako.
Lehen parte batean, etorkin baten definizioa eman eta, zergatik etorkinak laguntzeko erabakia hartu duten kondatu digute ; bereziki Estatu Frantsesak ez dituztelako uzten pasatzen, eta bereziki Irun - Hendaia mugan nabaritzen dela.
Gehienetan, gerla, politika, familia, pobrezia, klima edo erlijioarengatik ihes egiten dute haien herritik, bidai izigarri luzeak egiten dituztela (bizpahiru urte) : Sahara azpian diren Senegal, Mali, Kamerun..etik abiatzen dira, basamortuatik pasatuz, Mediterranoa zeharkatuz Españara iristeko eta bereziki honera etortzeko ; arriskuan diren baldintzetan bidaiatzen dute eta diru ainitz behar dute.
Beste estatu batean,"Visa" delakorik ez dute, "legez kanpo" direla konsideratzen da.
Beraz, gune horietako bolondresek harrera egiten diete gauez, informatzen dituzte nun diren eta nun pausatzen ahal diren, zaurituak direnak sendatzen dituzte, janaria eskaintzen, aldatzeko jantziak eta lo egiteko tokia proposatzen dizkiete. Egunero 60 etorkinak kurutzatzen dituzte ; Iaz 10 000 pasa ziren haien gunetik !! Gehienek 30 urte baino guttiago dute eta gizonak dira;emakumeak ere badira eta batzuk haurdun edota 2 - 3 urteko haurrekin. Maleruski batzuk ez dira honera iristen....
Ondotik, bi komitek erakutsi diete "cortometraje - mofetas" youtubeko bideo labur metraia, elkarrizketa euskaraz itzuliz : nahiz eta muntaketa bat den ; argi ikusten da gauez bizi dituzten badintzak, muga pasatzeko nola gordetzen diren kamioien azpian eta zein beldurra harrapatua izatea....Argi ikusten da; orijinalki, ere bai zein ametsak bete nahi dituzten bidaia bukatzean....
Ikasleen galderak entzun aitzin, Ametsek ezagutu duen Ibrahim-en historia idatzi duela "Miñan" liburuan azaldu die ; liburu hori duela gutti atera da, eta komitatu ditu irakurtzera ; Guineoko gazte honen ibilaldia ezagutzeko...
Bi mintzaldiak biziki aberatsak izan dira , zinez milesker Amets eta Jon !!!!
Biharramunetik landa, jada ikasle batzuk hurbildu dira poltsa batzuekin, egiten dugun jantzi eta higiena produktu bilketan parte hartzeko (abenduaren 13a arte)..... Irungo Harrera sarea gunea eta Baionako Diakite guneak lagunduko ditugu.
Asteburu honetan, kolegioko bertso eskola arituko da Baltsan elkarteak antolatzen duen bertso saioan azaroaren 30ean, larunbat honetan.
12:00tan aperitifa
12:30 : PLK bertso eskola
13:00 : bazkaria
15:00 : saioa Amets Arzallus, Andoni Egaña eta Sebastian Lizasorekin. Gai emailea : Joakin Arregi.
Izenak emateko : 06 78 75 36 68 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
Azaroaren 24an, igandez, 750 pertsona bildu dira Urruñako polikiroldegian Urruñako ikastola eta Ziburuko Piarres Larzabal kolegioaren alde !
Lehen parte batean, gure ikasleen kontzertua txalokatzekoa da, baita ere Fred eta Thomas, haien musikariak.
Eñaut Elorrieta eta bere musikariek ere kalitatezko kontzertu bat eskaini daukute, zinez mila esker !
Aterpe azpian, burasoak lan ta lan ibiltzen ziren bitartean, kolegioko 4.eko ikasle batzuk ere bixkotx salmentan aritu dira haien Salamankako bidaiaren alde !
Bestalde, haurren mugimendu guttiago senditu da emanaldi denboran, Pontxen emanaldiaren aitzinean baitziren, zur eta lur egonez, besoak altxatzen, dantzan eta irri eginez. Txalo Pontx eta milesker !
Arratsaldea bukatzeko, Kuxkuxtu txarangak du erritmoa eman hor zen jendeari, kantuz ta dantzan, talo bat eskuetan !
Txalo bero bat deneri, bereziki buraso antolatzaile eta langileei !
Eskerrak zponzor guztiei ere ematen diguten urteroko diru laguntzarendako !
Eskerrak Goierriko lagun eta laguntzaile guziei :
Ondoko hitzordua abenduaren 14an Ordizian, Pirritx, Porrotx eta Marimototsen bi ikusgarriekin : Bizi dantza ! "Ziburu, Urruña, Goierri bat eginik !"
Urtero bezala, Urruña, Ziburu eta Goierriko ikastolek bat egiten dute bi hitzordu emanez : Kantaldi bat azaroan eta abenduren 14an pailasoen bi emanaldien eguna !
Aurten azaroaren 24ean, igandez iraganen da Urruñako polikiroldegian !
Lehen parte batean, Urruñako haurrek eta kolegioko gazteek abestuko dute eta ondotik, Eñaut Elorrieta kantari famatuak bere diska berriaren aurkezpen kontzertua aurkeztuko digu.
Txartelak aitzinetik salgai dira 12 eurotan Urruñako Dongaitz trinketean, Batika ostatuan, Pausuko Xaia ostatuan, Baionak Elkar dendan ; Bertan 15 eurotan izango dira.
Kontzertuaren ondotik, erromeria bat antolatua da xapitoaren azpian, Kuxkuxtu txarangak animaturik.
Mila esker laguntzen gaituzten guziei (lantegiak, ikastolak, publikoa...) eta igande arte !!!!!
Urtero bezala, 3.eko ikasleak Baionako Bernat Etxepare lizeoa bisitatzera joan dira azaroaren 19an, astearte goiezan.
Iritsi bezain orduko, Baionako Estitxu Robles kolegioko ikasleak gure kolegiokoekin batera bilduak izan dira azpi taldeetan abnatuak izan aitzin.
Alde batetik, lizeoa bisitatu dute ikasle ohiei esker : jantegia, barnetegia, kirol eremuak, biltoki nagusia, IDZ, sartze nagusia, HAN eta hezitzaileen bulegoak, estudio gela, administrazioa, irakasle gunea, orientazio bulegoa, mendi eta erreken izenak dituzten ikasgelak, 3. Pro eremua, alda gelak, kiroldegia eta bil txokoa. Ikasle horiek lizeoan duten ardura eta autonomia inportanteak zirela azpimarratu dute.
Bestalde, berriz talde ttipika, irakasle eta iaksle ohien bitartez, hainbat xehetasunak emanak izan zaizkie : ordutegia, gai berriak, jantegiko antolaketa, askatasun berriak, une inportanteak, barnetegia, ikasketa motak eta bereziki erreforma berria, animazio talde desberdinak, kanpoko aktibitateak.
Bukatzeko, kolegioko bidea hartu aitzin, lizeoko jantegian bazkaltzeko parada ukan dute.
Azaroaren 15an, ostiral arratsaldez, 4A gelakoak, Pac proiektuaren kari lehen antzerki bat ikusteko aukera izan dute, Senpereko Larreko gelan, "Laughton" izenburupeko antzezlanarekin.
Antzerki laburra baina intersegarria izan da, hainbat gai ezberdin jorratu dituenak : familia, desamodioa... etab... Laughton 10 urteko mutiko baten izena zen, frantsesezko "automne" sasoiaren izenetik etorria.
Bilduma : "Gizon bat sobera luzaz falta egon da. Orduan emaztea "idazten hasiko da, ez hiltzeko" eta Laughton mundura ekarriko du. Eta gizona berriz jiten da : "Ez da ene semea". haur sortzea eta sorkuntza ; desorekan eta desamodioan den familia ; sekretuak, gezurrak, egia... Norbera errealitatetik libra ote daiteke ? Norberak bere istorioa asma ote dezake ? "Létée" eta "Livère" ikusgarrien ondotik, Stephane Jaubertiek alegia fantastiko bat kontatzen digu berriz ere, larrazken kolorez jantzia, errealitate soziala eta ametsa nahasten dituena."
Apainketak oso politak ziren, udazkena eta naturarekin lotuak. Ikasleek antzerkia interesgarria atzeman dute eta bukaeran, antzezleei hainbat galdera pausatzeko aukera izan dute.
Azaroaren 12an, asteartez, kantu tailerrako kide batzuk haien boza grabatu dute Antxeta irratiako Maia kazetariaren mikrotik !
Ongi ahozkatuz eta kantaldiako xehetasun guziak emanez, ikasleak zehatz eta mehatzki parte hartu dute !
Laster entzungai izango da 4 irratietan : Antxeta irratia, Gure irratia, Irulegiko irratia, Xiberoko Botza...
Milesker Maia !!!
Urtero bezala, azaroaren 24an aurten, kantaldi bat antolatua da Urruñan, Urruñako ikastola baita ere gure kolegioaren alde !!
Eta norekin ? Eñaut Elorrieta !!!
Ondorioz, bai Goierriko laguntza, bai publikoan baita ere dirulaguntza eskaintzen digutenek eskertzeko, gure ikasle batzuk motibatu dira kantu tailerran parte hartzeko !
Irailatik landa, bi aldiz astean, bazkaltzeko orduan, 6. - 5.eko 20 ikasle eta 4.eko 10 ikasleak biltzen dira hizkuntz desberdinetan erabaki duten kantu nahasketa lantzeko !
Kantaldia Urruñako polikiroldegian antolatua da arratsaldeko 4etatik landa eta bertan, Eñaut Elorrietak bere diska berriaren aurkezpena egingo du ! Lehen parte batean, Urruñako haurrek eta Ziburuko gazteek abestuko dute.
Ondotik erromerai izango da : talo'ta xingar Kuxkuxtu txarangak alaiturik !
Pasa mezua eta aitzinetik milesker lagunduko gaituztenei !!
Sarrerak salgai :
- Aitzinetik 12€tan Urruñako Dongaitz trinketean eta Batika ostatuan, Pausuko Xaia ostatuan, baionako Elkar dendan
- Bertan 15€tan
Oporretara joan aitzin, euskal giroan izaiteko eta nahiera eguna baliatuz, Mega Kantu Piknika antolatua izan da maila guzietako ikasle, irakasle eta langileendako, urriaren 17an !
Kanpoko eremuan elkartuz, ekarritako bazkari hotza lagunen artean partikatu dute. Jokin, Kiki, Bastien eta Amaiur kantari musikarien laguntzarekin, eta eskuetan zuten kantu liburuxkari esker, euskal kantu tradizionalak abesteko parada ukan dute, hala nola : Aberriaren mugak, Gora ta gora beti, Ilargia, Lau teilatu, Arrosako zolan... eta Aldapan gora edo Inundik Iñoare ere bai !!
Eguraldi biziki goxoa izanki, giro atsegina, alegera eta euskalduna lortu da ikasle gehienen parte hartzeari esker, mega dantza piknikarekin bukatzeko !!
Txalo bero bat deneri eta mila esker Jokin, Kiki, Amaiur eta Bastieni !!