Seaskaren etorkizuna arrisku gorrian ezarri ditu Frantziako Hezkunde Ministerioaren jarrerak. Ez baditugu dagozkigun ahalak lortzen, gure irakaskuntza sistema osoa zalantzan ezarria izanen da. Ziburuko Piarres Larzabal kolegioan ere egoera larriki okertuko da !!!
Maiatzaren 4an, Seaskak mobilizazio handi bat antolatzen du Baionan.... Danborrada erraldoia !!!! Arratsaldeko 5etan abiatuko da, badugu aste bat entrenatzeko eta 6etan La Poterne eremuan dugu hitzordua !
Danborrada ordena berezi batean eginen da, ikastola bakoitzak bere tokia ukanen du, eta bakoitzak bere kolore berezia. Gure kasuan, "Brebeta euskaraz" idatzia duen Tixerta urdina ezarriko dugu (Hezkunde Nazionala aurten zientziako azterketak ez dituela euskaraz zuzenduko salatzeko). Kamiseta salgai dugu !! Zoritxarrez mobilizazioaren ondotik, erabili beharko baitugu !
Mobiliza gaitezen denok ! Indar erakustaldi ederra izanen da !
Anartean, danborra, bidoina, kontserba, kutxa bat aurkitu makil batekin batera eta danborrada erritmoa landu !!
Hemen hasi gara a tope !!!!
Apirileko bakantzetaik landa, goizeko jolas garai guziz, kolegioko irratiak ditu bazterrak alaitzen udaberri hontan.....
Maiatzaren 13ko ekitaldia hurbiltzen da....
2zio taldeak atera duen kantuaren KDa irabazteko, jokoak antolatuak dira Herri Urrats'irratian !!!
Goizero, ikasle andana bat hurbiltzen da irrati estudiora, edo abesteko Herri Urrats'karaokean edo galderei erantzun egokia emateko....
Dinamika izugarria ! Parte hartze biziki baikorra ! Biba zuek ikasleak !!! Segi horrela !
"Ibiliz ez ote da egiten bidea ? Erantzuna : prefosta !
Usteak uste, urratsak egin ditugu ta urratsek egin gaituzte, hemen gira, prefosta !"
Apirilako bakantzen aurretik, IEP gelako Peio, Zuhain, Oier, eta Unai ikasleak Senperen izan ziren Hazitik Lilia lantegian. Bertako sortzaileak diren Mirentxu eta Jakes senar-emazteek gidaturik, gure ikasleek lantegia ezagutu zuten, bai eta lanean jo ta ke aritu ere. Lan bikaina egitearen ondorioz, azken saioan tomate landareekin itzuli ziren etxera. Ea udara honetan tomate goxo-goxoak ateratzen zaizkien !
Hiru saio egin zituzten bertan. "Motteuse"-arekin lanean ibili ziren bixi-bixi, hazitegian baldintza berezietan dauden haziak hartu eta erein zituzten ere ondotik landareen segimentu zehatzaren ariketari ekinez eta bukatzeko lur eremuen garbiketan ere aritu ziren.
Milesker Mirentxu eta jakes zuen harrerarengatik !
Milesker gure ikasle baratzezaineri ere, kolegioan egin zuten baratze ttipian babak noiz aterako diren zain egongo gara !.... Tomateak ere gustoz jango genituzke !
Ikasleek ingelesez idazten duten moduari arreta gehiago jar diezaioten, "Spelling bee" jokoan aritu dira 6A kalsekoak, eta ondotik, txapelketa bat antolatu zuten.
Horretarako, ezagutzen zituzten hitz batzuk letreiatzen entrenatu dira talde txikika, geroz eta astiroago joanez, eta aktska penalizazio bat hartuz.
Azkenean, 12 ikaslek parte hartu zuten torneoan.
Lehen fase eliminakorra 9 ikaslek gainditu dute, eta ondoren, zuzentasuna eta abiadura kontutan hartuz, sailkapen bat lortu zen : Naël Soussi-Charonnat (1.), Maitane Alonso (2.), Matei Calvo (3.) izan ziren txapeldun !
Zorionak parte hartu duten guztiei !
Apirilaren 6an, udaberriko oporren bezperan, kolegioko 3.ek II. Mundu Gerra garaira bidaiatzeko aukera izan zuten Comète sarearen bidezidorretik ibiliz.
1941 eta 1944 urteen artean Belgikako nazien aurkako erresistentziak sortutako Comète sareak 800 bat hegazkin pilotu Pirinoetako mugaren bestaldera eramatea lortu zuen, Bidasoa ibaia zeharkatuz.
Muga pasa eta, britainia kontsultatuak bidalitako taxi baten bitartez, pilotuak lehenengo Madril eta gero Gibraltarrera eramanak ziren, handik hegazkinez Londeresera itzul arazteko.
Kolegioko ikasleek pilotuek egindako ibilbide honen zati bat bete zuten, Urruñatik Bidasoaraino.
Esperientzia hau, gainera, Lartzabaleko MEE kolegioko ikasleekin partekatu zuten.
Haizea eta eguzkia lagun, egun ederra bizitu zuten bi kolegioko ikasleek.
Apirilaren 5ean, ostegunarekin, Ziburuko 3.eko ikasleak Manex Erdozaintzi Etxart kolegiora joan ziren, bertan taldeka banatu eta arteari lotutako zenbait tailer egin zituzten :
- Iñaki Noblia arkitektuarekin egurrezko etxola bat eraiki
- Nahia Garat argazkilariarekin "Light Painting" izeneko teknika erabiliz esperimentatu
- Xan Alkat bertsolariarekin kantu bat sortu eta performantzia moduan aurkeztu
- Begiz Begi musika taldearekin musika tresna ezberdinak manipulatu eta abesti bat sortu
- If margolariarekin mugimendua gaitzat hartuz margolan batzuk egin
- Maiana Agorrodyrekin afitxak sortu ilustrazioko teknika konkretu batzuk erabiliz
- Bilaka kolektiboarekin koreografia bat sortu
- Maddalen Arzallusekin kopla batzuk sortu
Egunaren amaieran, sorkuntza guztiak beste ikasleen aurrean aurkeztu ziren eta barnekaldeko ikasleekin batera, kostaldeko bidea hartu zuten, bertako familien etxeetan lo egiteko.
Aurten, Txirrindularitza Txapelketak bere bidea desbideratuko du eta Euskal Herritik pasatuko da.
Tourreko diktaketan parte hartzeko proposamena luzatua izan zaie inguruko lehen mailetako 4. eta 5. urtekoei eta bigarren mailetako 6.eko ikasleei.
Martxoaren 30eko azken orduan, kolegioan bertan iragan da euskarazko diktaketa.
Hamazazpi ikasleek parte hartu dute.
Textoaren irakurketa, pilotari profesionala den Maritxu Chapelet-Houssetek egin du.
Ondotik, parte hartzaile bakoitzari oparitxo bat eskainia izan zaio.
Irabazleen artean, ikasle batzuk Tourreko etapa batera gonbidatuak izango dira.
Urte bukaeran aurkeztu beharko duten ahozkoari begira, hirugarreneko ikasleek ingeleseko klasean "Emakumeen egoera gerla garaian" gaia lantzeko premia ukan dute, Historia klaseetan aztertutako gaiak oinarri.
Hartza, klasean gaia landu eta taldeka edo bakarka ahozko bat aurkeztu dute, ingelesez lehenik haiek ekoiztutako aurkezpen numeriko baten laguntzarekin, euskaraz ondoren.
Hartza, Iñaki Lekuona historia irakaslea gonbitatu dute klasera haien lanaren sintesia bat aurkezteko, eta haiek ekoiztutako afitxa bat erakusteko. Ondoren, afitxa batzuk kolegioko IDZtan ikusgarri izango dira.
Zorionak animatu diren ikasle guziei !
Martxoaren 16an, ostegunez, Irungo PLaiaundi Ekoparkera joan ziren.
Han eraztunketa ikusi zuten : aldez aurretik sare berezi batekin harrapatutako txoriei burdinezko eraztun bat jartzea da haien identifikatzeko eta haien migrazioa ezautzeko.
Zortzi txori harrapatuak izan ziren, neurtu, pisatu eta datuak hartu ondoren, haietako batek txoria askatzen zuen.
Eko parkeako itzulia egin zuten eta txori ainitz ikusi, bereziki ubarroiak eta beltxarga eder bat.
Hango Ekoetxe museoa bisitatu eta mokozabalari buruzko bideo bat ikusi zuten.
Hendaiako Antxeta irratiak elkarrizketa bat egin zien.
Azkenik, Hendaiako hondartzan bazkaldu zuten.