Piarres Larzabal Kolegioa

 

Nautika Eguna

EasyScol

Seaska

Ikastolen Elkartea


Herri Urrats

 

Ekainaren 21ean, goizetik hirugarreneko ikasleak hurbildu zaizkigu dotore, "xik xik", ongi jantzirik,  flokamotza ala gorbatarekin, soineko galantekin, azken egunak hurbiltzen baitira....

Biziki ederrak ziren, orain azken berrikuspenak egin behar....

Brebeta azterketa ukango baitute uztailaren 1 eta 2an (gibelatua) !!

Xantza on deneri !!!

Eta ez ahantz : brebeta euskaraz !

Ekainaren 20 eta 21ean, kolegioko 5.eko ikasleak Nafarrora joan dira bi egunendako.

Goizeko 9:00tan kolegiotik abiatuz, 11:00ak aldera urtean zehar landu zuten Leireko monasterioa bisitatu zuten. ondoren, 2:30tan, Erriberriko bisita : Karlos III.aren jauregiaren bisita eta joko pista baten bitartez, Erreberriko alde zaharreko karriketan eat ANdra Mariko elizaren tinpanoa aztertu zuten.

Arratsaldeko 5:00ak alde, Mendigorriako Errota akanpalekura joan ziren. Han bertan,  pizina freskatzeko, errugbian, futbolean eta tenizan aritzeko parada izan zuten lagunen artean, nahiz eta euri tantak izan.

Ondoko egunean, Jondoni Jakobeko bidea zen gai nagusia. Gosaldu eta gero, Eunate eliza bisitatu zuten eta Garesera hurbildu ziren erromesen oroit-harritik sarrera oinez hirian eta Gares zeharkatuz zubia ospetsura iritsi arte.

Piknika egin eta, Nafarrotik Ziburura sartu gara, biziki pozik !

Ekainaren 20 eta 24an, 4.eko ikasleak Oiartzungo Arditurriko Meategiak eta Luberri Ikasgune Geologikoa bisitatzera joan dira. Taldea bitan banatuz, erdia meategian zen bitartean, beste erdia Ikasgune Geologikoan egon da eta ondoren trukatu dute.

Meategian zirelarik, interpretazioa zentroa ikusi dute lehenik eta ondoren meategia barrutik bisitatu, kaskoak ezarri eta.

Luberriko Ikasgune Geologikoan, Lurraren bilakaera aztertu dute eta batez ere Euskal Herrian topatutako aztarna geologikoak ikusteko aukera izan zuten indusketetan parte hartutako zientzialarien azalpenekin.

Eguraldi hodeitsuan elkar topatzeko parada izan zuten, piknika baten inguruan.... Zientzi eguna bikaina eta aberatsa !

Ekainaren 19an, asteazkenez, Ceux de Brocéliande konpainiak Les Fourberies de Scapin antzerkia aurkeztu die kolegioko seigarren eta bostgarrenei. Antzezlan zorrotz hori izan da frantsesa kurtsoetan landutako amaiera.

Nahiz eta testua zaila izan eta bero ainitz izan gelan, gure ikasleak biziki adi egon dira eta aktoreen galdeei baikorki erantzun dute, antzerkia parte hartuz. Azken horiek, emanaldiaren bukaeran, ikasleen entzumen kalitatea txalokarazi dute ! Hau kalitatezko ikusleak !

Ekainaren 18an, asteartez, bostgarreneko 60 ikasleek Zokoako hondartza garbitzen izan ziren. Biologian, teknologian eta fisikan landu gaien inguruan proiektu bati amaiera eder bat emateko parada izan da.

Hortarako, Surf Rider elkarteak, "initiative océanes" antolatzen duen hondartzen garbiketa ekimenean parte hartzea erabaki zen.

Batzuek, harea bereizteko iragazkiekin ekin zioten hondartza garbitzeari, eta besteak, harroketara abiatu ziren itsasoak ekarritako soberakinak jasotzera. Harroketan itsatsita zeuden gurpilak eta antzerako tramankuluak askatzen ere nahiko lan izan zuten, baina botatako izerdiak merezi izan zuen, horren ostean mokadutxoa jan eta itsasoan bainatzeko aukera izan zuten.

Ikasturteko honetako azken egunei amaiera emateko uda sasoi honetako lehen zabor biltzea zuetn bera. Pilatutako zakar poltsak berezi, aztertu eta Herriko etxeko kamionetan bota zituzten. Bete duten formularioa Surf Rider fundazioari igorri dituzte.

Arratsaldean, haien lana txalokatzeko, bainatzeko aukera ukan dute piknika denboran.

Joan aitzin, harez idatzitako mezu utzi zuten Zokoan : "Gure hondartzak maite ditugu !"

Joxerra Garzia ekainaren 18an etorri da laugarreneko ikasleei bere ofizoaren aurkeztea alde batetik. Eta bertzetik, Malen labirinto madarikatuan liburua ekoizteko sorkuntza prozesuaren kontatzeko. Liburu honekin, 1987an sari bat irabazi zuen.

Liburu hori idatzi zuen ziztu batean gau batez, nahiz eta urte batzuk zeramatzan ideiarekin. Seme bat itxaroten zuen unean.

Aurten, bere liburua berargitaratua izan da eta ondorioz egokitzapenak egin dira. Hala nola euskara mailean euskara normalizatu baita.

Ekainaren 17an, Jean-Louis Iratzoki, industria diseinatzailea (kolegioko guraso ere), etorri zitzagun kolegiora bere lanbidea aurkeztera.

Objektu baten diseinuaren desmartxa aurkeztu zuen, ideia sortzen denetik eraiki arteko pausuak zeintzuk diren azalduz. Honela, bere enpresak diseinatu dituen zenbait altzariren diseinatze eta fabrikaziorako urratsak zeintzuk diren ikusi ahal izan zituzten.

Milesker Jean-Louis zure ekarpenagatik !

Ekainaren 17an, astelehen arratsaldez, arratsaldeko 2.45etan, alarmak jo du eta ikasle, irakasle eta langile guziek zuten hitzordua kolegioko ezker paretan.... Txalapartaren erritmoan jarri dira denak....

Egun berezia bai !!!! Ttoniren azken eguna !!!! Azken minutak !!! Ber momentuan, Ladix, euskara irakaslearen azken egunak baitira ere bai, bera ere konzernatua zen.....

Lehen parte batean, kolegioko bertsu eskolakoek bertso bat bakoitzari eskaini diete eta kuadro batean idatzitako letrak.

Ondotik, Ilune, seigarreneko ikasle bat entzun dugu, Ttoniri emaiten berak idatzitako sorkuntza bat kantuz, denen aitzinean, boz eztiarekin eta kuraia handienarekin, a capella....

Txalaparta pausa musikala egin ondoren, maila guzietako 32 neska eta muttikoek aurresku bat eskaini diete....

Bukatu aitzin, lore xorta bat eta xampomi botoila bat ekarri dizkiote beste ikasle batzuk.

Ttoni eta Ladix, emozionez beterik, ikasleak eskertu dituzte eta euskaraz segitzen bizitzea aholkatu.

Amaitzeko, "Gure esku dago" kantua entzutean, ikasle eta lankide guztiak lerrokatu dira azken muxuekin agurtzeko gure Hezkuntz Aholkulari Nagusia.... negarrak, irriak, baina denak pozik !

Erretreta on zuei Ttoni eta Ladix ! Milesker eman daukuzuen guziarendako ! Pausatu eta ongi segi ! Ikus arte !

Ekainaren 14ean, ostiral arratsaldez, kolegioko ikasle guztiak zinemara joan dira !

Sei eta bostgarrenekoak bildu dira gela batean, 2010ean atera den "Benda Bilili" dokumentala ikusteko.

"Rickyk amets bat zuen : Staff benda Bilili bilakatzea Kongoko orkestra hoberena. Rogerk, karriketako haur bat, betidanik ghettoko artista horiengana hurbiltzea du xedea, Mad Max moduan beztitutako gurpil aulkidunengana. Lehenik, bizirik iraun behar da, Kinshasa karrikako zepoak saihestuz, dantzatu eta kantatu ihes egiteko. Bost urtez, lehen kantuetatik mundu osoko festibaleko garaipenera, Benda Bililik, errealitatea bilakatu den ametsa kondatzen digu. 

Eta bestalde, lau eta hirugarrenak bildu dira beste gelan batean 2012an egindako "La Grande illusion" drama filma ikusteko.

"Lehen gerla mundiala. Bi frantses soldaduak preso emanak dira Von Rauffenstein komandantearengandik, fin eta errespektuzko Alemandar bat. Preso kanpamendu batera bidaliak, haien bizilagunak tunela bat zilatzen laguntzen dituzte. Baina ihesaldi bezperan, atxilotuak transferatuak dira. Von Rauffensteinek kudeatzen duen sekuritate handiko gotorleku batera eramanak dira azkenean. Berak presoak jendetasunez tratatzen ditu, gainera Boeldieurekin adiskidetasunez lotuko da. Baina frantses aitzindariek ihesaldi berri bat prestatzen dute."

Apirilaren 30ean hasitako kolegioko mus txapelketa ekainaren 13an, bukatu da !

Multzoka aritu zirelarik lehen parte batean, kalifikazioekin segitu zuten, partidaz partida....

6./5.eko 44 ikasle eta 4./3.eko 42 ikasle bildu dira txapelketaren antolaketan, txalokatzen ditugu denak haien parte hartzearendako !

Ekainaren 13an, udako giroan, txapelketaren bukaera senditu da kanpoko eremuan antolatutako finalen inguruan.

6. / 5.eko printzipalan, 5.eko Kemen Deprez eta Julen Hugonnet-k txapela eraman dute, 2 - 0 irabaziz seigarreneko Ander Pascassio eta Thomac Clerc-en aurka.

6. / 5.eko kontsolantean, 6.eko Ana Pujos eta Ainara Bidegain 2 - 0 irabazi dute 5.eko Keti Anegvin eta Lenaïg Alfaro (ordezkaria : Elena Sansinena)-ren aurka.

4. / 3.eko printzipalan, 3.eko Eneko Susperreguy eta Jon Elgorriagak boina eraman dute, 2 - 1 irabaziz 3.eko Remi Clerc eta Kepa Chaumont-en aurka.

4./3.eko kontsolantean, 4.eko Ximun Daguerre eta Estebe Ourdanabiak dute irabazi 2 - 0, hirugarreneko Gaizka Garat eta Eneko Ciaren aurka.

Txalo bero bat deneri !!! Uda honetako txapelketetan segi parte hartzen eta hitzordua heldu den urteko 3. hiruilan !