Ekainaren 10ean, Seaskako lau kolegioetako ikasle, irakasle, langile eta burasoak elkartu ginen Baionan lehen SEASK'UP futbol txapelketa ospatzeko. Helburua garbia zen, euskara ardatz, Seaskaren oinarri garen 3 zutabeak elkartu, euskaraz harremandu eta momentu goxo bat pasatzea.

Arratsaldeko 13tatik goiti elkarturik kirol zelaian 4 kolegioak desfilatu eta txapelketa abiatu zen. PLKtik lehen edizio honetan ez genuen lortu nahibeste jende bertaratzea, baina beste kolegioetako ikasle, irakasle eta burasoekin batera taldeak osatu eta hala ere parte hartzea lortu genuen, helduen finala irabaziz eta 6/5.en txapelketan finalean parte hartuz gainera.

Trofeoa Xalbador eta MEEK kolegioek eraman bazuten ere, irabazle bat nagusitu zen guztien gainetik: EUSKARA eta SEASKA!

Lehen edizio honetako giro eta oroitzapen onak atxikiko direla segur da, euskara nagusitu baita denen artean!

Biba zuek eta milesker Estitxu Robleseko ekipa eta burasoei lehen edizio antolatzearen ardura hartu eta bikain bururaino eramateagatik!!

Ekainaren 9an, ostiralez, Kanaldude telebistako Haitz Aldana kazetaria kolegioko IDZtara hurbildu zaigu.... Rahmi taldeko proiektua eta sariztatzeari buruzko xehetasun guztiak biltzeko.

Arratsaldeko 13:00tan jan eta 13:30tan bildu dira Haitzekin batera, berriz esplikatuz proiektu hori nola hasi zen, nola eraman duten, ukan dituzten ateraldien esperientziak eta nola ez Bordaleko sariztatze eguna.

Bakoitzari eskatua izan zaie ere bai zer ekarri dien abentura honek, eta ikusiz erran dutena, denek baikorki bukatzen dute.

Laster kanaldude katean, erreportaia ikusgai izango da !

Milesker Haitz eta Kanaldude ekipa proiektu honi interesa emateagatik !!

Ekainaren 2 eta 9an, 4.eko ikasleak Oiartzungo Arditurriko Meategiak eta Luberri Ikasgune Geologikoa bisitatzera joan dira "txutxu trena" erabiliz !

Taldea bitan banatuz, erdia meategian zen bitartean, beste erdia Ikasgune Geologikoan egon da eta ondoren trukatu dute.

Meategian zirelarik, interpretazioa zentroa ikusi dute lehenik eta ondoren meategia barrutik bisitatu, kaskoak ezarri eta.

Luberriko Ikasgune Geologikoan, Lurraren bilakaera aztertu dute bisita gidatu batean eta Euskal Herrian topatutako fosilak erabiliz ardatz kronologiko bat osatu dute.

Aldi oro bi taldeak elkar topatzeko parada izan dute piknika baten inguruan....

Zientzia eguna bikaina eta aberatsa !

Maiatzaren bukaeran, laugarren eta hirugarrenen artean antolatua den mus txapelketako kideen arteko fase finalak iragan dira.... 

Haien multzoetako partiden emaitzen arabera, ekipa batzuk sailkatu dira printzipalan eta besteak kontsolantean.

Joan den astetik laurden eta final erdiak jokatu dituzte...

Eta ekainaren 5ean, asteartez, finalak jokatu !

Alde batetik, printzipalan aritu diren Kaiet Alduntzin eta Mani Vellak bi mantxak irabazi dituzte Elaia Forestier eta Saioa Girardek bat baizik egin dutelarik : 40 - 37 / 32 - 40 / 40 - 33.

Bestalde, kontsolantean aritu diren Ella Resampa eta Idoia Apeztegik bi mantxak irabazi dituzte Elena Sansonetti eta Mila Yriarten aurka, ondoko emaitzekin : 40-26 eta 40-25.

Printzipalako txapeldunek boina ezarri dute buru gainean, eta jokalariak sariztatuak izan dira ! Mus kartak, zuhaitz ibilaldia opari bono bat...

Zorionak zuei eta segi gezurretan aritzen eta parioak egiten herri desberdinetako txapelketetan !

Heldu den urte arte !!

Aurten, fisika - kimika, artea eta euskara kurtsoetan, proiektu komun bat burutu da Piarres Larzabal kolegioko laugarrenekoekin : "Espaziora bidaia".

Astronauta bilakatu eta Lurretik abiatu dira espazioan zehar bidaiatuz, gizakientzat egokiak diren beste planeta batzuen xerka.

Helburua, gaitasun ezberdinak baliatuz, taldeka komiki bat sortzea izan da.

Ekainaren 1ean, ostegunez, arratsaldeko 6:30tan, kolegio eta inguruetako burasoak komitatuak izan dira kolegioko IDZtara "Nerabe buraso baten izatea" mintzaldian parte hartzera, Elorri Garat pzikologoak animaturik, kolegioko Eskola Bizitzak antolaturik.

Sar hitza denboran, haurzaroa eta nerabezaroa garaiak hitzen bitartez nola kalifikatzen ahal diren galdetu die burasoei.... Nerabezaroa, desoreka pasai bat da familiarendako, garapen fase horrek beldur, kezka ainitz iratzartzen ditu eta ber mementuan, identitate eraikitze momentu azkarra da, experientzia berriak egiten dira, familiatik haratago ikusten duguna. Alta, gaztearendako, burasorik gabe bizitza ederra da ! Ariketa ttipi bat proposatua die iraganera bidaiatzea eta zer ongi ala gaizki pasa zen haien nerabezaroan oroitzea.

Ondotik, helduaren postura nerabearen sekuritatearen bermatzea dela adierazi du. Ethologikoki, Konrad Lorenz eta Harry Harlowk egin zuten ikerketa azalduz, eta psikologikoki - psikanalisikoki René Spitz, John Bowlby eta Mary Ainsworth-rena gehituz. Atxikimendua, ingurumenaren eraso bat bizitzen duelarik, haurrak bere inguruan duen heldu segurraren hurbiltasunaren deitzeko duen sistema da. Heldua deitzen du, bere barne sekuritatea, barne oreka berriz lortzeko.  "Caregiver" fenomenoa esplikatu du ere bai : Helduak emozioak partekatzen ditu, gaztea kontsolatzen du, babesten du, segurtatzen du, aterabideak proposatzen dizkio eta berantago, aterabideak atzematen laguntzen du.

Segurtasun emozionala ukan eta, gaztea joango da munduaren deskubritzera eta garapen fase garrantzitsuak hasiko dira, izanez pzikologikoak, sozialak eta fisikoak.... Esperientzia desberdinak saiatuko ditu, helduari da kontrolatzea - neurtzea arriskuaren frekuentzia...

Nerabezaroa ez da krisia bat, noiztenka gure nerabearekin dugun harremana krisian da, harremanak iratzartzen dituen emozio intentsoengatik...

Bukatzeko, Elorri Garatek burasoen kezka eta galdera batzuei erantzun du : Nerabe bat bere logelatik ateratzea beharrezkoa da ? Muttiko edo nesken nerabetasun desberdintasunak zein dira ? Beste nerabe baten portaera desegokiaren lekukoa izatea ez da errexa.... Bixkien nerabetasunaren desoreka kudeaketa zaila da ; Telefonoaren erabilpenari buruzko negoziaketak eta mugak zein dira ? Nola egin etengabe erantzuten duen nerabe baten aitzinean ? Zaila da gainditu duten etapa baten gibelean senditzea ; Nerabe anai-arrebak direlarik, etengabe konparaketan baitira, nola kudeatu ? 

Osoko euskaraz izan den mintzaldi hori biziki interesgarri, aberatsa eta interaktiboa izan da.... Hezkuntz Aholkularia den Elenda Dufauk du segurtatu berehalako itzulpena. Etorri eta parte hartu duten 40 burasoak eskertzen ditugu eta nola ez, Elorri Garat pzikologoa azlapen guzti horiek emateagatik ! Txalo bero bat !

Aurten ere laugarrenak Segovian eta Toledon izan dira.

Maitzaren 22-26ean Castillan zehar ibili dira, gainera hizkuntza lantzeko aukera izan dute bertako familietan.

Aurten bi taldetan banatuak izan dira ikasleak, bat Segovian (4AD) eta bestea Toledon (4BE).

Herri bakoitzean bisita eta aktibitate ezberdinak egin dituzte, tokia eta bertako kultura ezagutzeko. Adibidez, gasna tailerra Consuegran edo beira fabrika La Granjan.

Bi taldeek joko pista baten bidez Madril ezagutu dute. Ondoren, Reina Sofian dagoen Gernika deskubritzeko aukera izan dute ere.

Plazer bat izan da bidaia denak elgarrekin bukatu izana Warner Bros. parkean !!!

Dena oso ongi igaro da eta ikasle eta erakasleek asko gozatu dute! Datorren ikasturterako motibatuak!!

Maiatzaren bukaeran, seigarren eta bosgarrenen artean antolatua den mus txapelketako kideen arteko fase finalak iragan dira.... 

Haien multzoetako partiden emaitzen arabera, ekipa batzuk sailkatu dira printzipalan eta besteak kontsolantean.

Joan den astetik laurden eta final erdiak jokatu dituzte...

Eta maiatzaren 30ean, asteartez, fianlak jokatu !

Alde batetik, printzipalan aritu diren Elaia Biscay eta Amaia Etchegarayk bi mantxak irabazi dituzte Hegoa Haramboure eta Beatrizen aurka, nahiz eta emaitzak ttinko atera : 40-38 eta 40-33.

Bestalde, kontsolantean aritu diren Enaitz Diratchette eta Xalbat Otañok bi mantxak irabazi dituzte ere bai Enaitz Duperou eta Jokin Zugastiren aurka, ber emaitzekin : 40-38 eta 40-33.

Printzipalako txapeldunek boina ezarri dute buru gainean, eta jokalariak sariztatuak izan dira ! Mus kartak, buia tiratua aktibitate bono bat...

Zorionak zuei eta segi gezurretan aritzen eta parioak egiten herri desberdinetako txapelketetan !

Lau eta hirugarrenetako fase finalak jokatzen diren bitartean, heldu den urte arte !!!!

Maiatzaren 24an, asteazkenez, euskara kurtso denboran, Ziburun urtero antolatzen den liburu eta disko azoka ezagutzeko parada izan dute 3.ek Ladix Lanouguere Arrosagarayren eskutik. 

Orain dela zenbait urte kolegioan euskara irakasle izandakoa eta gaur egun Baltsan elkarteko partaide izanik, Ladixekin egindako topaketa honen helburua ikasleak azokara gertura daitezen motibatzea izan da.

Azoka honen berezitasuna euskara hutsean izatea baita, heldu den ekainaren 3an 

aukera paregabea da gure lurralde eleanitz honetan, euskal literaturaz eta musikaz gozatzeko. Bertan hainbat idazle, komikilari zein kantariren lanak ezagutzeaz gain, edozein adineko publiko zabalari idekiak diren emankizun desberdinak izanen direla aurreratu digu Ladixek, erakusketak, umorezko saioak eta kontzertuak besteak beste.

Mila esker Ladixi gure ikasleak euskalgintzara hurbiltzera motibatzeagatik eta eskerrak ere aurkezpen saio hauek egingarriak izaten lagundu duten langileei. Espero dugu ikasleei azokara joateko gogoa piztu izana.

Ekainaren 3a arte !